
Jina 65 salî ya ûr di serê wê de ye hat girtin 

2020-02-14 16:43:39


	BEDLÎS / MÛŞ – Li Bedlîs &nbsp;û Mûşê bi giştî 43 kes hatibûn binçavkirin. Li Bedlîsê 2 kes û li Mûşê jî kesek hatin girtin.

	Li Bedlîsê di 12’ê sibatê de ji 6 kesên hatibûn binçavkirin îro birin Dadgeha Bedlîsê. Serokê Rêxistina HDP’a Bedlîsê Rûmet Dûrsûn û Vedat Gunduz, Sedat Eskîn, Hanim Çelîk, Erol Orak û Naciye Turemîş a 65 salî ku ûr di serê wê de ye bi angaşta “endamên rêxistinê ne” û “propaganda rêxistinê kirine” hatin darizandin. Ji 6 kesan Dûrsûn, Eskîn, Gunduz û Çelîk bi şertê kontrola edlî hatin berdan û Turemîş û Orak jî hatin girtin û ew şandin Girtîgeha Bedlîsê.&nbsp;

	&nbsp;

	LI MÛŞÊ KESEK HAT GIRTIN&nbsp;

	&nbsp;

	Li Mûşê jî di 12’ê sibatê de di serdegirtina malan de endamên Meclîsa Şaredariyê yên HDP’yî Necîp Aslanşen û Fîkrî Alsak û her wiha Abdullah Polat, Abdûlhalûk Sakik, Kenan Akpolat, rêveberê Şaxa SES’ê yê berê Kadrî Ozden û kesek navê wî nehat zanîn piştî îfade dan emniyetê birin Dadgeha Mûşê.&nbsp;

	&nbsp;

	Ji binçavkiriyan 6 kes piştî îfade dan dozgeriyê hatin berdan. Kadrî Ozden ê sendîkavan bi angaşta “Endamê rêxistinê ye” û “Propaganda rêxistinê kiriye” hat girtin û şandin Girîgeha Mûşê.&nbsp;

	&nbsp;

	14 KES HATIN BERDAN&nbsp;

	&nbsp;

	Li gundên Kazgol, Aslankaya û Yaramiş ên girêdayî navçeya Melazgirê ya Mûşê 14 welatiyên hatibûn binçavkirin piştî îfadeyên li emniyetê hatin berdan.&nbsp;

	&nbsp;