
Nexweşa pençeşêrê Kesler hat berdan

2020-02-13 11:53:52


	&nbsp;

	STENBOL - Nexweşa pençeşêrê Ayten Sarikaya Kesler ku bi hinceta parvekirinên xwe yên li ser medya civakî hatibû girtin, li ser îttîraza parêzerê xwe hat berdan.&nbsp;

	&nbsp;

	Nexweşa pençeşêrê Ayten Sarikaya Kesler (53), roja 11'ê Sibatê dema ku ji Swêdê hatibû û li Balafirgeha Stenbolê peya bûbû, ji aliyê polisan ve hatibû binçavkirin. Kesler, piştî ku derketibû dadgehê, bi hinceta ku li ser hesabê xwe ya medya civakî "Propagandaya rêxistinê" û "Heqaretê li Serokkomar" kiriye" hatibû girtin. Parêzerê Kesler girtina wê îttîraz kir. Li ser îttîrazkirina parêzer, Dadgeriya Sizayê ya Silhê ya Nobedar, raporên tenduristiyê yên Kesler li ber çav girt û biryara berdana wê da.

	&nbsp;

	Parêzer Gulîzar Tuncer, diyar kir ku hem ji hêla ruhî û hem jî ji hêla fizîkî ve rewşa Kesler nebaş bûye û dê li malê di bin kotrola bijîjkan de bimîne.

	&nbsp;