
Berfê li tevahiya bajarên herêmê jiyan tevizand 

2020-02-13 09:50:51


	NAVENDA NÛÇEYAN – Li bajarên herêmê barîna berfê ku ji duh ve dest pê kir didome. Ji ber berfê çûnehata bi sedan rêya gund û mezrayan hatin girtin. Li hin bajaran piştî bi salan berfê lê kir û bû cihê kêfxweşiya welatiyan.&nbsp;

	Li Amed, Êlih, Mêrdîn, Sêrt, Şirnex, Çewlig, Xarpêt, Dersim, Riha, Wan û gelek bajarên din ji saetê duh êvarê ve barîna berfê dest pê kir. Barîna berfê li van bajaran didome û bandora xwe nîşan dide.&nbsp;

	&nbsp;

	Ji ber berfê rêya bi sedan gund û mezrayên van bajaran li çûnehatê hatin girtin. Li hin deveran sitûriya berfê ji 50 santîmetreyî derbas kir. Ji ber cemedê û talûkeya aşûtê hişyarî li welatiyan tê kirin.&nbsp;

	&nbsp;

	QEYÛM NAXIBITE Û WELATÎ BI BERTEK IN&nbsp;

	&nbsp;

	Li navenda Amedê berfê duh êvarê dest pê kir û tevahiya şevê berf bariya. Ji ber berfê Amed kirasê spî li xwe kir û sitûriya berfê gihîşt 20 santîmetreyî û çûnehata wesayîtan bi zehmet bûye. Li hin deverên bajêr wesayît şemitîn û li hev ketin. Di rêyên hevraz de wesayît bi rê de man û welatiyan bi dafdanê wesayîtan derxistin.&nbsp;

	&nbsp;

	Ji ber qeyûmê Şaredariya Bajarê Mezin ê Amedê kolan û sikakan paqij nake û xwê nareşîne dibe sedema bertekên welatiyan.&nbsp;

	&nbsp;

	Herî zêde zarok ji ber berfê kêfxweş bûn û hezkirina xwe di nava berfê de didin nîşandan.&nbsp;

	&nbsp;

	Li navenda Amedê û 13 navçeyên wê dibistan hatin betlanekirin.&nbsp;

	&nbsp;

	BERF BANDOREK NEYÎNÎ LI HERÊMA ERDHEJÊ DIKE

	&nbsp;

	Li herêma erdhejê li Xarpêt û Meletiyê berfê bandorek neyînî li ser mexdûrên erdhejê kirin û konên mexdûran di nav berfê de man. Hat ragihandin dê heta êvarê li van her du bajaran barîna berfê dewam bike.&nbsp;

	&nbsp;

	BERFÊ LI WANÊ JIYAN TEVIZAND&nbsp;

	&nbsp;

	Li Wanê adeta berfê jiyan tevizand. Li Wanê bênavber berf dibare û ji bilî rêyên mezin hemû kolan û kuçe hatine girtin. Li ser peyarêyan sitûriya berfê gihîştiye 45 santîmetreyî. Li Wanê û navçeyên wê jî ji ber berfê navber dan dibistanan.&nbsp;

	&nbsp;

	BI SALAN ŞÛN VE BERF BARIYA&nbsp;

	&nbsp;

	Li hin navçeyên Mêrdîn û Şirnexê û li Rihayê piştî salan berf bariya. Li van deveran welatî kêfxweşiya xwe ya ji bo berfê nîşan didin.&nbsp;

	&nbsp;

	DIBISTAN HATIN BETLANEKIRIN&nbsp;

	&nbsp;

	Li aliyê din li Êlih, Riha, Sêrt, Çewlig, Mêrdîn, Şirnex û Dersimê gelek bajar û navçeyên din dibistan hatin betlanekirin.