
Şenoglû: Li dijî polîtîkayên hilwişandinê xeyalên me hene 

2020-02-09 14:04:07


	&nbsp;

	STENBOL – Hevberdev Sedat Şenoglû di 1’yemîn civîna Meclîsa Giştî ya Serdema 10’emîn a HDK’ê de axivî û got: “Li dijî polîtîkayên şer û hilweşandinê yên hêzên emperyalîst xeyalên me hene. Em weke HDK’ê xwe amede dikin ku rêxistinbûyîna vê yekê bikin.”

	&nbsp;

	&nbsp;1’emîn Meclîsa Giştî ya Serdema 10’emîn a Kangreya Demokratîk a Gelan (HDK) li navenda giştî ya li Beyoglû ya Stenbolê hat lidarxistin. Hevberdevkên HDK’ê Sedat Şengoglû û Îdîl Ûgûrlû, rêveber û endamên kongreyê beşdarî civînê bûn. Piştî hilbijartina dîwanê civînê dest pêk kir. Hevberdevka HDK’ê Îdîl Ûgûrlû dest pê kê axivî.&nbsp;

	&nbsp;

	Ûgûrlû, bal kişand ser 15’yê Sibatê roja Komploya Navdewletî ya li dijî Rêberê PKK’ê Abdullah Ocalan û wiha got: “Birêz Ocalan di 15’ê Sibatê de bi komployekê anîn Tirkiyeyê. Bi komployekê navdewletê Birêz Ocalan ji Rojhilata Navîn derxistin, dûre xistin girtîgeha Îmraliyê û niha jî dinava tecrîdek giran deye. Ev tecrîd ne tenê li dijî kesekê ye, di rastiyê de li dijî me hemûyane. Gelên Kurd û Tirk li dijî tecrîdê bertekeke zêde nîşan didin. HDK dikare van bertekan birêxistin bike.”

	&nbsp;

	‘PÊŞIYA ME VEKIRIYE’

	&nbsp;

	Ûgûrlû diyar kir ku AKP bi polîtîkaya notirvanan re dixwaze hêzên xwe yên milîsan ava bike û got ku, “Bi van rayeyên notirvanan re, wê pirsgirêkên mezin derkevin pêşberî jinan.”

	&nbsp;

	Ûgûrlû diyar kir ku di xebatên yekîtiya neteweyî ya Kurdan de jî ew ê roleke çalak werbigire û got ku “Pêşiya me vekiriye. Bi tenê di warê rê û metodan de hin astengiyên me hene. Îrade û biryardariya me heyeku em van astengiyan derbas bikin.”&nbsp;

	&nbsp;

	‘XEYAL Û BÊRÎKIRINÊN ME HENE’

	&nbsp;

	Hevberdevkê HDK’ê Sedat Şenoglû jî, diyar kir ku ew di pêvajoyeke êşên gelek mezin tên jiyîn re derbas dibin û wiha axivî: “Em dizanin pergala kapîtalîst şer û hilweşandinê li ser me ferz dike lê li hemberî van tiştan kesên azadîxwaz û wekhevîxwaz jî hene. Li dijî polîtîkayên şer û hilweşandinê yên hêzên emperyalîst xeyalên me hene. Em weke HDK’ê xwe amede dikin ku rêxistinbûyîna vê yekê bikin.”

	&nbsp;

	Piştî axaftina hevberdevkan, civîn li çapemeniyê girtî dewam kir.&nbsp;

	&nbsp;