
Li bajarên herêmê barîna berfê zêde bû

2020-02-08 16:20:18


	AMED/DERSIM - Li herême barîna berfê zêde dibe û li Dersimê rêyên 176 gundan hatin girtin.&nbsp;

	&nbsp;

	Li herêmê barîna berfê zêde dibe û li bajarên mîna Amed, Mêrdîn, Şirnex, Sêrt û Êlih û Dersimê ji ber berfê rêyên gelek gundan hatin girtin.&nbsp;

	&nbsp;

	DERSIM

	&nbsp;

	Hat diyarkirin ku navend jî di nav de li gelek deverên navçeyên Dersimê bi qasî 2 metreyan berf beriyaye û li cihên bilind jî bi qasî 4 metreyan berf ketiye. Heta niha ji berfa zêde rêyên 176 gundan ji çûn û hatinê re hatine girtin.&nbsp;

	&nbsp;

	Her wiha rêyên Erzîngan û Xarpêtê yên ku diçin Dersimê jî çûn û hatin bi kontrol didome.&nbsp;

	&nbsp;

	AMED

	&nbsp;

	Li navenda Amedê jî di saetên nîvro de hinek berf bariya û paşê berf wergeriya baranê. Hat hînbûn ku dê li navend û navçeyên Amedê barîna berfê bidome û germ 2-3 pîle kêm bibe.&nbsp;

	&nbsp;

	15'emîn Miduriyeta Herêmê ya Meteorolojiyê, diyar kir ku tê texmînkirin li navçeyên Licê û Pasûrê yên Amedê berfeke zêde bibare û ji bo talûkeya qeşemgirtin û aşûtê welatiyan hişyar kir.&nbsp;