
Di salekê de 40 kes li Wanê hatin kuştin 

2017-12-13 16:55:07


	&nbsp;

	VAN - Serokê Şaxa ÎHD’a Wanê Murat Melek, diyar kir ku li Wanê dinava salekê de 40 kes di şerê heyî de jiyana xwe ji dest dan û ji bo çareseriya pirsgirêkê bal kişand ser rola Rêberê PKK’ê Abdullah Ocalan.

	&nbsp;

	Şaxa Komeleya Mafê Mirovan (ÎHD) a Wanê, bi boneya Hefteya Mafê Mirovan a 10-17’ê Kanûnê xwest li navenda bajêr daxuyanî bide çapemeniyê. Lê endamên ÎHD’ê li ser astengiya Waliyê Wanê, li avahiya Şaxa Sendîkayên Kedkarên Zanist û &nbsp;Perwerdê a (Egîtîm Sen) civîna çapemeniyê li dar xistin. &nbsp;

	&nbsp;

	Endamên Kongreya Civaka Demokratîk (KCD), Konfederasyona Sendîkayên Karkerên Şoreşger (DÎSK) û Konfederasyona Sendîkayên Karkerên Çemaweriyê (KESK) beşdarî civînê bûn. Rêvebera ÎHD’ê Ozlem Altindag di civînê de daxuyanî da û wiha axivî: “Dibin navê OHAL’ê de azadî û mafên herî bingehîn ji holê hatin rakirin.”

	&nbsp;

	'DI NAVA SALEKÊ DE 40 MIROVAN JIYANA XWE JI DEST DAN’&nbsp;

	&nbsp;

	Serokê Şaxa ÎHD’a Wanê Murat Melet piştî Altindag axivî û bal kişand ser rewşa OHAL’ê. Melet, diyar kir ku berî OHAL jî li herêmê rêveberiyek OHAL’ê hebû û wiha got: “Dinava salekê de li Wanê 40 mirovan di şerê heyî de jiyana xwe ji dest dan, 16 zarok rastî tacîzê hatin, ser 593’an de hat girtin û di girtîgehê de îşkence li 19 girtiyana hat kirin.” Melet, anî ziman ku heya pirsgirêka kurd çareser nebe, tu pirsgirêk çareser nabin û wiha bilêv kir: “Berî her tiştî divê demildest tecrîta li ser Birêz Ocalan bê rakirin.”

	&nbsp;

	‘DIVÊ TECRÎT BÊ RAKIRIN’

	&nbsp;

	Endamê Dîwana KCD’ê Fîkret Dogan jî, diyar kir ku pêkanîna tecrîtê ya li Girtîgeha Îmraliyê di dîroka mirovahiya cîhanê de tu carî nehatiye dîtin û wiha got: “Ocalan ji bo Rojhilata Navîn û gelê kurd şansek mezine. Divê tecrîta li ser Ocalan bê rakirin.”

	&nbsp;

	'KEDKAR JI KAR HATIN AVÊTIN'

	&nbsp;

	Seroka Giştî ya Sendîkayên Kedkarên Buroyê (BES) Serpîl Akpinar jî, da zanîn ku ji ber KHK’an nêzî 130 hezar kedkarên çemawerî ji ker hatin avêtin û wiha axivî: “4 hezar û 99 jê endamên konfederasyona me bûn. Ji 3 hezarî zêdetir yên DÎSK’ê, dîsan ewqas jî yên TMOBB û 2 hezar jî hevalên em yên bijîşk bûn.”

	&nbsp;

	Piştî axaftinan civîn bi dawî bû.&nbsp;

	&nbsp;