Midurê Karên Nivîsan ê ajansa me Çelîk hat binçavkirin

2020-02-05 15:39:35


	STENBOL - Midûrê Karên Nivîsan ê Ajansa me ya Mezopotamya (MA) Ferhat Çelîk, dema çû girtîgeha Sîlîvrî hevdîtina girtiyan, hat binçavkirin. Çelîk ji ber nûçeyek wî ya hatiye weşandin îfadeya wî hat girtin û serbest hat berdan. 

	Midûrê Karên Nivîsan ê Ajansa me ya Mezopotamya Ferhat Çelik, dema ji bo ziyareta Nûçegîhanê Mezopotamya Sadik Topaloglu çû Girtîgeha Sîlîvîr ya Hêjmar 5, li girtîgehê hat binçavkirin. Çelik, bi hinceta ji ber nûçeyek çêkiriye der barê wî de biryara girtinê hatibû dayîn û xwestin îfadeya wî bigirin. Çelîk piştî li Miduriyeta Polîsan a Sîlîvrî îfade da, 3 saet şûnde birin Edliyeya Sîlîvrî û li vir îfade da. Çelîk bi rêya SEGBİS'ê îfade da Dozgerê Komarê yê Mêrdînê. Çelik ji ber nûçeya wî ya di 6'ê Çileya 2019'an de hatibû weşandin û li ser walî, cendirmeyan, fermandarê alayê nûçe çêkiribû û li ser giliyê Serokê Komeleya Çand û Perwerdehiyê ya 1071'an Murat Kırmızioglu doz lê hatibû vekirin. Çelîk piştî îfade da dozgeriyê diyar kir ku nûçe li ser esasê azadiya raman û îfadeyê çêkiriye û sûc nekiriye. Çelîk, piştî îfade da serbest hat berdan.