
Daxwaza baro mudaxilê doza Eylem Tîler bibe hat redkirin

2020-02-04 13:17:22


	RIHA - Şandeya dadgehê, daxwaza Buroya Mafê Jinan a Baroya Rihayê ya mudaxilê doza Eylem Tîler a hat kuştin bibe red kir û ji bo amadekirina mutalayê dosya pêşkeşî dozger kir.&nbsp;

	6’emîn daneşîna biryarê ya doza cînayeta jina 31 salî Eylem Tîler a di 12'ê Cotmeha 2017'an de li taxa Kirbalê ya navçeya Wêranşarê ya Rihayê ji aliyê hevjîn û xesiya xwe ve hat qetilkirin li 4'emîn Dadgeha Cezayê Giran a Rihayê pêk hat. Bersûc Huseyîn Tîler ê girtî û parêzerê wî Mûharrem Tîler beşdarî danişînê bûn. Bersûc Hanî Tîler a ne girtî tevlî danişînê nebû.&nbsp;

	&nbsp;

	Parêzerên malbata Eylem Tîler Prz. Dîlek Polat, Serdîl Îzol, Esra Yûrûm Aktaş û Fazîlet Taştan di danişînê de amede bûn. Parlamentera Partiya Demokratîk a Gelan (HDP) ya Rihayê Ayşe Surucu, Hevseroka Bajêr Emîne Çetîner û Aktîvîstên Tevgera Jinên Azad &nbsp;(TJA) doz şopandin.

	&nbsp;

	Piştî danasnîna nasnameyê, bersûcê kuştina Eylem Tîler Huseyîn Tîler ê girtî parastin kir. Tîler, di parastina kir de, îdîa kir ku ew mexdûre.&nbsp;

	&nbsp;

	'DIVÊ CÎNAYETÊN JINAN NEYIN PIŞT GUH KIRIN’

	&nbsp;

	Parêzera Eylem Tîler Dîlek Polat, di parastina kir de wiha got: “Di meha Çile de 27 jin hatin kuştin. Divê dadgej cînayetên jinan pişt guh nekin. Em dixwazin ku bersûc Tîler bi awayekê herî giran bê cezakirin.”

	&nbsp;

	Ji parêzerên dozê Fazîlet Taştan jî, da zanîn ku ew weke Komîsyona Mafê Jinan a Baroya Rihayê dixwazin mudaxilê dozê bibin û wiha parastin kir: “Hemû ji ji cînayeta Eylem Tîler bi bandor bûn. Em dixwazin ku cezayê herî giran li bersûc bê birîn û Hanî Tîler bê girtin.”&nbsp;

	&nbsp;

	Parêzerê Huseyîn Tîler Selîm Tîler, di parastina kir de, îdîa kir ku muwekîlê Eylem Tîler ne kuştiye û xwest bersûc negirtî bê darizandin.&nbsp;

	&nbsp;

	Şandeya dadgehê, piştî navberê daxwaza daxwaza Buroya Mafê Jinan a Baroya Rihayê ya mudaxilê doza Eylem Tîler bibe, red kir û ji bo amadekirina mutalayê dosya pêşkeşî dozger kir.&nbsp;

	&nbsp;

	Dadgehê dûre danişîn taloqî 24’ê Adarê kir.&nbsp;

	&nbsp;