
Di doza cînayeta Eylem Tîler de biryar wê bê dayîn

2020-02-03 09:12:14


	RIHA - Daneşîna biryarê ya doza cînayeta Eylem Tîler ku beriya 3 salan destpêkê hatibû angaştkirin întîhar kiriye, lê paşê derketibû holê ku ji aliyê hevjîn û qesiya xwe ve hatiye qetilkirin, dê sibê bê dîtin.&nbsp;

	Eylem Tîler (31), di 12'ê Cotmeha 2017'an de li taxa Kirbalê ya navçeya Wêranşarê ya Rihayê ji aliyê hevjîn û xesiya xwe ve hat qetilkirin. Destpêkê hatibû angaştkirin ku Tîller întîhar kiriye, lê paşê derketibû holê ku ji aliyê hevjînê xwe Huseyîn Tîler (36) û qesiya xwe &nbsp;Hanî Tîler (81) ve hatiye qetilkirin. Pişt re doz li hevjîn û xesiya Tîler hatibû vekirin. Daneşîna biryarê ya doza cînayeta Tîler, dê sibê li 4'emîn Dadgeha Sizaya Giran a Rihayê bê dîtin.&nbsp;

	&nbsp;

	Hevjînê Tîler Huseyîn Tîler, di 4'ê Mijdara 2017'an de hatibû girtin û dayika wî Hanî Tîler jî ji bo ku berdayî bê darizandin, hatibû berdan.&nbsp;

	&nbsp;

	Di daneşîna ku dê sibê bê dîtin de tê payîn ku li gorî mutalaaya di daneşîna dawîn de dozger dabû û parastinên dawîn biryar bê dayîn. Dozger di mutalaaya xwe de xwestibû ku Huseyîn Tîler û dayika wî Hanî Tîler bên cezakirin.&nbsp;

	&nbsp;

	Ji parêzerên Komîsyona Mafên Zarok û Jinan a Baroya Rihayê û Seroka Navenda Mala Jiyanê ya Piştevaniya Jinan Dîlek Polat, beriya daneşînê banga hestiyarî û beşdarbûnê kir.&nbsp;