
Li Xarpêtê cenazeyê 4 kesên din hat dîtin

2020-01-26 13:33:04


	XARPÊT - Li Xarpêtê cezayê 4 kesên din hat dîtin. Bi vî awayî hêjmara kesên jiyana xwe ji dest dan derket 35’an.&nbsp;

	Xebatên lêgerîn û xilaskirinê yên piştî erdheja li navçeya Xûxê ya Xarpêtê dest pê kirin, dewam dikin. Di xebatên lêgerînê yên avahiyên li Taxa Mûstafapaşa û Taxa Sursuru hilweşiyan de cezayê 4 kesên din hatin dîtin. Bi vî awayî hejmara kesên jiyana xwe ji dest dan derket 35’an.&nbsp;

	&nbsp;

	LI TAXEKÊ XEBAT BI DAWÎ BÛN

	&nbsp;

	Duh di saetên şevê de, li avahiya Kalay a li Taxa Mûstafapaşa, cenazeyê Huseyîn Yildiz û kurê wî Onûr Yildiz hatin dîtin. Ayşe Yildiz û keça wê ya 2 salî Yusra Yildiz bi birîndarî hatibûn xilaskirin. Dermankirina dayik û keça wê li Nexweşxaneya Fathî Sekîn Şehîr a Xarpêtê dewam dike. Dermankirina Nazmiye Duşmez a duh ji bin xirbeyên avahiyê hatibû derxistin jî li heman nexweşxanê dewam dike. Cenazeyê dayika Nazmiye Sakîne Duşmez a 63 salî serê vê sibê hat dîtin. Piştî ku kes dibin xirbeyên avahiya Kalay de neman, xebatên lêgerînê bi dawî bû.&nbsp;

	&nbsp;

	LI TAXA SURSURU XEBAT DEWAM DIKE&nbsp;

	&nbsp;

	Di heman demê ji bin xirbeyên Sîteya Dîlek a li Taxa Sursuru hilweşiya de, îro cenazeyê 3 kesan hat derxistin. Cenazeyên hatin dîtin rakirina Nexweşxaneya Zanîngeha Firatê. Piştî otopsiyê wê nasnameya van her sê kesan bên aşkerekirin.&nbsp;

	&nbsp;