
Qeyûm Guzeloglû pirtûkên Hevşaredar Mizrakli desteser kir

2020-01-22 15:19:39


	&nbsp;

	AMED - Pirtûkên ku piştî hilbijartina wî diyarî Hevşaredarê Amedê Selçûk Mizrakli hatibûn kirin, li gel ku ev 3 carên tên xwestin jî ji aliyê qeyûm Hasan Basrî Guzeloglû ve nayên dayîn.&nbsp;

	&nbsp;

	Hevşaredarê Amedê Adnan Selçûk Mizrakli ku qeyûm tayînî şûna wî hatiye kirin, dema ku hatibû hilbijartin û mezbata xwe girtibû, ji bo pîrozkirinê tenê pirtûk weke diyarî qebûl kiribû. Mizrakli, plan dikir ku bi nêzî hezar pirtûkên ku diyarî wî hatibûn kirin, li navçeya Sûrê pirtûkxaneyek veke.&nbsp;

	&nbsp;

	QEYÛM BERSIV NADE

	&nbsp;

	Piştî ku ji peywirê hat dûrxistin û qeyûm tayînî şûna wî hat kirin Mizrakli, bi rêya şêwirmendên xwe daxwaz kiribû ku pirtûkên wî lê bên vegerandin. Li gel ku destpêkê ev daxwaza bi erênî hatibû bersivandin û ji bo şandinê navnîşan hatibû xwestin jî nehatibûn şandin. Piştî girtina Mizrakli, 2 carên din jî şewirmendên wî daxwaza pirtûkan kirin. Van her du daxwaz jî ji aliyê qeyûm ve nehatine bersivandin.&nbsp;

	&nbsp;