
Malbata Bozyil piştî 17 mehan cenazeyê kurê xwe defin kir 

2020-01-21 22:39:01


	&nbsp;

	&nbsp;

	AMED – Malbata Bozyil, cenazeyê kurê xwe Mustafa Bozyil ku di operasyoneke eskerî de jiyana xwe ji dest dabû, piştî 17 mehan wergirt û li navçeya Hênê defin kir.&nbsp;

	&nbsp;

	Mustafa Bozyil (Armanc Taylan) ê HPG’yî li navçeya Mazgîrt a Dersîmê di 29’ê Îlona 2018’an de di operasyoneke eskerî de jiyana xwe ji dest dabû. Malbatê 8 meh berê ji bo cenazeyê kurê xwe wergire, serî li Saziya Tiba Edlî ya Meletiyê dabû û ji bo testa DNA'yê xwîn dabû. Piştî encama testa DNA’yê diyar bû, malbat di 17'ê Çileyê de çû Meletiyê. Lê belê 4 roj şûnde cenaze wergirt û li navçeya Hênê ya Amedê defin kir.&nbsp;

	&nbsp;

	Malbatê cenazeyê kurê xwe di bin dorpêça polîs û maşîneyên zirxî de saet di 21.00’an de li Goristana Taxa Dêrê ya navçeya Hênê bi tevlîbûna dehan kesan defin kir.

	&nbsp;

	Her wiha roja encama DNA'yê diyar bûbû bapîrê malbata Bozyil jiyana xwe ji dest dabû û ji ber vê malbatê şîna kurê xwe û bapîrê xwe bi hev re danîbû û roja ku cenaze hat definkirin şîn jî bi dawî bû.&nbsp;

	&nbsp;