
Wê li Amedê "Komxebata Yekitiya Neteweyî" bê sazkirin

2020-01-15 16:41:32


	AMED - Xebata Tifaqa Kurdistanî ku ji aliyê 9 partiyên kurd ve hat avakirin, dê li Amedê "Komxebata Yekitiya Neteweyî" ku 2 rojan berdewam bidome, saz bike.

	&nbsp;

	Xebata Tifaqa Kurdistanî ku ji aliyê 9 partiyên kurd ve hat avakirin, li Amedê "Komxebata Yekitiya Neteweyî" ku 2 rojan berdewam bidome, saz dike. Dê komxebat di navbera 18-19'ê çileyê de li otoleke navçeya Sûrê bê kirin. Di komxebatê de 2 rojan li ser 3 mijaran nîqaş bên kirin.&nbsp;

	&nbsp;

	ASTENGIYÊN LI PÊŞIYA YEKITIYA NETEWEYÎ

	&nbsp;

	Di rojeva yekemîn a komxebatê de, ji bo modela yekitiya neteweyî, li bersiva pirsên mîna "Meclisa neteweyî" ya "kongre" ya jî "Eniya demokratîk" bê gerandin. Li ser lêgerînên modela mayînde bê sekinandin; li Tevgera Yekitiya Neteweyî ya Kurdan (TEVKURD), Kongreya Civaka Demokratîk (KCD), cerebeyên Herêma Federa ya Kurdistanê, Tevgera Demokratên Kurd (TEV-DEM), Eniya Neteweyî ya Kurdên Sûriyeyê (ENKS) û li modelên yekitiya neteweyî yên Cîhanê bê nêrîn û rêvebirin, bername û navê modelê bê diyarkirin. &nbsp;

	&nbsp;

	Di rojeva duyemîn a komxebatê de jî di rêya mayîndekirina tifaqa neteweyî de derbaskirina pirsgirêk û astengiyên li pêşiya pêkhatina hevparbûna nirxên neteweyî bên nîqaşkirin.&nbsp;

	&nbsp;

	Di rojeva sêyemîn a komxebatê de jî dê nexşerêya Xebata Tifaqa Kurdistanî ya li hemberî êrîşên li dijî destkeftiyên kurdan ku zêde dibin bê diyarkirin.&nbsp;

	&nbsp;

	PARTIYÊN TIFAQÊ

	&nbsp;

	Di tifaqê de Tevgera Îslamî ya Kurdistanê (AZADÎ), Partiya Herêmên Demokratîk (DBP), Komeleya Şoreşger û Demokratîk a Kurd (DDKD), Partiya Demokratîk a Gelan (HDP), Partiya Însan û Azadiyê (PÎA), Partîya Komunîst a Kurdistanê (KKP), Platforma Demokrat a Kurdistanê (PDK), Partiya Demokrat a Kurdistanê -Tirkiye (PDK-T) û Partiya Azadî cih digirin.&nbsp;