
Komxebata 1’emîn a Tora Ziman û Çandan bi dawî bû   

2020-01-12 18:22:42


	&nbsp;

	AMED – Komxebata Yekemîn a Tora Ziman û Çandan a bi armanca diyarkirina nexşerê û rêziknameya xwe li Amedê du rojan dom kir bi dawî bû. Desteya rêveber a ji 27 kesan pêk tê hat hilbijartin. Desteya rêveber wê li ser pêşniyarên beşdarvanan nexşerê û rêziknameyê diyar bike.

	&nbsp;

	&nbsp;

	Komxebata Yekemîn a Tora Ziman û Çandan a bi armanca diyarkirina nexşerê û rêziknameya xwe li &nbsp;Otelek li navçeya Sûrê ya Amedê ku du rojan li dar xist bi dawî bû. Roja ewil a komxebatê 12 &nbsp;maseyên tematîk ku hatibû navakirin, pêşniyarên xwe radestî desteya Torê kirin. Pêşniyarên maseyên qadên cûr bi cûr di roja duyem a komxebatê de hatin xwendin. Pişt re beşdarvanan li ser pêşniyarên ji bo rêzikname, nexşerê û desteya rêveber kirin. Di encama nîqaş û pêşniyarên îro de desteya rêveberiya ji 27 kesan pêk tê hat hilbijartin.

	&nbsp;

	Piştî nîqaş û pêşniyazan di komxebatê de hunermend û dengbêjan stran gotin. Komxebat bi strana “Zimanê Kurdî” a hunermend Aram Tîgran bi dawî bû.

	&nbsp;

	Desteya rêveber a ji 27 kesan pêk tê dê pêşniyarên ji bo nexşerê û rêziknameyê hatin kirin binirxîne û rêzikname û nexşerêya xwe li gorî vê yekê eşkere bike.&nbsp;

	&nbsp;

	Desteya Rêveber a Torê dê sibê di saet 10.00’an de li Otela Demîr a Sûra Amedê wê encamnameya komxebata du rojan bi raya giştî re eşkere bike.

	&nbsp;

	&nbsp;