Li Girtîgeha Kirikkaleyê nahêlin girtî biçin hewadariyê 

2020-01-12 09:02:38


	KIRIKKALE - Girtiyên Girtîgeha Tîpa F a Kirikkaleyê, diyar kirin ku di rîngên yekhucreyî de wan dibin nexweşxaneyê, li nexweşxaneyê muayeneya bi awayê kelemçekirî li wan tê ferzkirin û her çend kamera hene dîsa jî di rojên bi mij û moran de nahêlin biçin hewadariyê. 

	Girtiyên Girtîgeha Tîpa F a Kirikkaleyê, nameyek ji malbatên xwe re şandin û di nameya xwe de bal kişandin ser binpêkirinên mafan ên li girtîgehê. 

	 

	Rapora girtiyan a derbarê binpêkirinên mafan de wiha ye: 

	 

	"*Hejmara girtî û hikumxwaran zêde bûye, me bi rîngên yekhucreyî dibin nexweşxaneyê. 

	 

	*Li nexweşxaneyê bijîşk muaneya bi awayê kelemçekirî li me ferz dikin. Bi vî hawî mafê me yê tenduristiyê tê binpêkirin. Ji ber vê girtî tedawî nabin û nexweşînên wan giran dibin. Ji ber nayên kontrolkirin û tetkîkên wan nayên kirin rewşa girtiyên nexweş girantir bûye. 

	 

	*Pirtûk û rojnameyan nadin, mafê me yê nameşandinê jî tê astengkirin. 

	 

	*Nahêlin em meqesê bi kar bînin û meqesên biçûk ên ji bo kaxezan jî ji me stendine. 

	 

	*Roja serdanê nahêlin em xwarin û tiştên avî ji malbatên xwe re bibin. 

	 

	*Hewadarî jî têde li her derî kamera bi cih kirine. Her çend li hewadariyê kamera hene, lê dîsa jî nahêlin di rojên bi mij û moran de em biçin hewadariyê. Bi hinceta 'ewlehiyê' hatiye qedexekirin. 

	 

	*Tiştên li qantînê ên firotin buha ne, xwarinên wan jî nebaş in. 

	 

	*Di bin navê lêgerînê de tim davêjin ser odeyên me û amûrên me belawela dikin.

	 

	*Radyoyên me ji me stendine. Hefteya hevdîtina vekirî mafê me yê atolyeyê û sporê jî tê astengkirin.