
Piştî desteserkirina zeytûnan niha jî 20 ton dexl û danê Girê Spî hat desteserkirin 

2020-01-09 13:33:31


	RIHA – Tirkiye piştî zeytûnên Efrînê niha jî 20 ton dexl û danê li Girê Spî dê bîne Rihayê.

	Tirkiye bi angaşta dê xelkê Sûriyê di nava aramiyê de bijî û ji bo penaberên Sûriyê vegerin warê xwe niha gelek bajarên Bakur û Rojavayê Sûriyê dagir kiriye. Desteserkirina hilberînên çandiniyê yên li van bajaran dewam dike. Tirkiye piştî talankirin ango desteserkirina zeytûnên Efrînê niha jî dixwaze dexl û danen li bajarê Girê Spî bîne Tirkiyê.&nbsp;

	&nbsp;

	Tirkiyê piştî ku di 2018’an de Efrînê dagir kiribû dest danîbû ser zeytûn û donê zeytûnan ên welatiyan û veguhestibû Tirkiyê.&nbsp;

	&nbsp;

	PIŞTÎ ZEYTÛNAN NIHA JÎ DEXL Û DAN&nbsp;

	&nbsp;

	Niha jî rewşek wiha li bajarên Griê Spî û Serêkaniyê ku Tirkiye di 9’ê cotmeha 2019’an de dest bi desteserkirina wan kir mijara gotinê ye. Tirkiye ji bo anîna dexl û danên li Girê Spî û Serêkaniyê dest bi amadekariya kiriye û îhaleya veguheztinê jî pêk aniye.&nbsp;

	&nbsp;

	ÎHALEYA WÊ HAT KIRIN&nbsp;

	&nbsp;

	Li gorî agahiya îhaleyê ya ji aliyê Platforma Sitendinên Cemaweriyê ya Elektronîk ku girêdayî Saziya Îhaleya Cemaweriyê ya Ofîsa Mahsûlên Axê (TMO) a Rihayê dê 20 ton dexl û danên li Girê Spî bar bike bîne depoyên li Rihayê.&nbsp;

	&nbsp;

	Şirketa Neqliyê ya Oz-Duy a Navnetewî di îhaleya veguheztina dexl û dan de bi ser ket û dê vê îhaleyê bi milyonek û 300 hezar TL’yî bikişîne.&nbsp;

	&nbsp;

	Dê ev Şîrket heta hezîrana 2020’an dexl û danên li herêmê veguhezîne Rihayê.&nbsp;

	&nbsp;