
Li Dersim, Şirnex û Colemêrgê ji ber berfê rêya gundan hat girtin 

2019-12-27 12:13:47


	&nbsp;

	NAVENDA NÛÇEYAN – Li bajarên herêmê ji ber barîna berfê rêya bi sedan gund û mezrayan li çûnehatê hat girtin.&nbsp;

	&nbsp;

	Barîna baran û berfê li bajarên herêmê dijwar bû. Li Dersim, Colemêrg û Şirnexê ji ber barîna berfê rêya çûnehata bi sedan gund û mezrayan hat girtin.&nbsp;

	&nbsp;

	DERSIM

	&nbsp;

	Ji ber barîna berfê ya duh êvarê li Dêrsimê dest pê kir rêya 161 gundan ji çûnehatê re hat girtin.&nbsp;

	&nbsp;

	Hat zanîn ku komên Rêya Bejahiyê û Îdareya Bajêr a Taybet ji bo vekirina rêyan dixebitin.&nbsp;

	&nbsp;

	ŞIRNEX&nbsp;

	&nbsp;

	Berfê duh li navenda Şirnex û navçeyên Elkê û Qilebanê jî dest pê kir û bû sedema girtina rêya gundan. Li Elkê rêya 16 gund û 4 mezrayan û li Qilebanê jî rêya gundekî li çûnehatê hat girtin.&nbsp;

	&nbsp;

	Ji ber berfê gelek rêwiyên li ser rêya Şirnex û Qilebanê asê man.&nbsp;

	&nbsp;

	COLEMÊRG

	&nbsp;

	Li gund û mezrayên girêdayî navenda Colemêrg û navçeyên wê jî rêya berf bariya û bû sedemê girtina rêya gelek gund û mezrayan.&nbsp;

	&nbsp;