
Angaştnameya êrîşa li dijî malbata Şenyaşar hat qebûlkirin 

2019-12-27 11:55:32


	&nbsp;

	RIHA – Têkildarî kuştina 3 ferdên malbata Şenyaşar ên ji aliyê xizmên Parlamenterê AKP’ê Îbrahîm Halîl Yildiz ve li Pirsûsê hatin kuştin angaştnameya derbarê 13 kesan de hat amadekirin. Dadgehê angaştname qebûl kir û danişîna ewil a dozê dê di 24’ê adara 2020’an de bê dîtin.&nbsp;

	&nbsp;

	Beriya hilbijartina giştî ya di 24’ê Hezîrana 2018’an de li navçeya Pirsûsê ya Rihayê di 14’ê Hezîranê de parêzvan û xizmên parlamenterê AKP’ê yê Rihayê Îbrahîm Halîl Yildiz êrîşî dikana malbata Şenyaşar kiribû. AKP’iyan ji malbatê Haci Esvet Şenyaşar û zarokên wî Celal û Adil Şenyar kuştibûn. Ferît, Memet, Fadil Şenyaşar jî di nav de 9 kes birîndar bûbûn.

	&nbsp;

	Piştî bûyerê ji malbatê Fadil Şenyaşar ê li nexweşxaneyê dihat dermankirin bi angaşta “kuştin” û “birîndarkirin” hatibû girtin.&nbsp;

	&nbsp;

	Di bûyerê de birayê AKP’î Yildiz, Mehmet Şah Yildiz jî hatibû kuştin. Tevî ku şahidiya şênber û dîmenên bûyerê jî hene, ji malbata Yildiz kes nehatibû girtin. Piştî 17 mehan Enver Yildiz bi artêşa xwe ya parêzvanan re hatibû Dadgeha Rihayê û hatibû girtin.&nbsp;

	&nbsp;

	Dozgeriya Rihayê piştî 18 mehan angaştnameya têkildarî bûyerê amade kir. Dozger di angaştnameyê de cih nedaye êrîşa hovane ku li dijî malbata Şenyaşar pêk hatiye.&nbsp;

	&nbsp;

	Angaştnameya ku hêj hûrguliyên bûyera li ber nexweşxaneyê dewam kir têde cih nagirtin pêşkêşî 7’emîn Dadgeha Cezayê Girana a Rihayê hat kirin. Dadgehê angaştname qebûl kir.&nbsp;

	&nbsp;

	Di angaştnameyê de Fadil Şenyaşar ê girtî û Ferît Şenyaşar ê birîndar ji bûyerê rizgar bûbû jî di nav de derbarê 13 kesan de bi angaşta “kuştin, hewldana kuştinê, birîndarkirin, zirar dane mal, çek li ser wan bûne” tên sûcdarkirin.&nbsp;

	&nbsp;

	Di angaştnameyê de Fadil û Ferît Şenyaşar û li gel wan jî xizmên AKP’î Yildiz, Kenan, Abdurrahman, Mustafa, Nîhat û Suleyman Yildiz wek “gumanbarên muştekî” cih digirin û Enver, Alî, Mehmet û Îbrahîm Yıldız, Îbrahîm Halîl û Mehmet Şîmşek jî wek “gumanbar” cih girtin.&nbsp;

	&nbsp;

	Li gorî qebûlkirina angaştnameyê dê danişîna ewil a dozê di 24’ê adara 2020’an de were dîtin.&nbsp;

	&nbsp;

	DADGER DAXWAZ KIRIYE DOZ WERE NEQLKIRIN&nbsp;

	&nbsp;

	Dadgehê bi hênceta “ewlehiya cemaweriyê” ji bo doz neqlî cihek din were kirin biryara nivîs ji Serdozgeriya Komarê ya Rihayê re were nivîsandin da

	&nbsp;

	&nbsp;

	&nbsp;

	&nbsp;