
Hevşaredar Ozdemîr bi beyana şahidê nepen ku wî nas nake hatiye girtin 

2019-12-25 10:47:08


	&nbsp;

	AMED – Hevşaredarê Sûrê Cemal Ozdemîr di encama her çiqas şahidê nepen gotiye “ez vî kesî nas nakim” jî hatiye girtin.&nbsp;

	&nbsp;

	Hevşaredarên Navçeya Sûrê ya Amedê Fîlîz Buluttekîn û Cemal Ozdemîr di 23’ê kanûnê de li Dadgeha Amedê bi angaşta “Endamên rêxistinê ne” hatin girtin. Hevşaredar Ozdemîr û Buluttekîn bi şahî û çalakiyên partiya wan HDP li dar xistiye tên sûcdarkirin.&nbsp;

	&nbsp;

	Ji Ozdemîr tevlîbûna wî ya çalakî, şahî û bernameyên partiya wî HDP’ê li dar xistiye hatiye pirsîn û vê yekê kirine hênceta girtinê. Şahidê nepen ê bi navê “Tosûn” di sala 2017’an de îfadeyek daye û her çiqas şahidê nepen di wêneyê nîşanî wî hatiye dayîn de jî gotiye “ez vî kesî nas nakim” jî lê li gel vê yekê dîsa jî Ozdemîr hat girtin.&nbsp;

	&nbsp;

	‘ANGAŞT BÊBINÎ NE’&nbsp;

	&nbsp;

	Ozdemîr da parastina xwe de diyar kir ku ew beyanên şahidê nepen û hêncetên pê tê tewanbarkirina qebûl nake û got: “Ez van angaştên derbarê xwe de qet û qet qebûl nakim. Ev angaşt bêbinî ne. Beyanên şahidên nepen nerast in û hemû derew in. Ji xwe şahidê nepen di îfadeya xwe de jî gotiye ku min nas nake.”

	&nbsp;

	Ozdemîr bi hênceta şahidên nepen “Tosûn”, beşdariya wî ya çalakî û bernameyên partiya wî û parvekirinên medya civakî bi angaşta “endamê rêxstinê ye” hat girtin.&nbsp;

	&nbsp;