
Di bîranîna Mereşê de banga ‘rûbirûbûnê’ hat kirin 

2019-12-21 15:33:39


	MEREŞ – Li Mereşê qûrbaniyên Komkujiya Mereşê hatin bibîranîn. Di axaftinên merasîma bîranînê de banga “rûbirûbûnê” li dewletê hat kirin.&nbsp;

	&nbsp;

	Li Mereşê bi boneya salvegera 41’emîn a Komkujiya Mereşê ku di sala 1978’an de pêk hatibû û bi sedan welatî jiyana xwe ji dest dabû û bi hezaran welatî birîndar bûbûn merasîma bîranînê hat lidarxistin. Bîranîn li meydana nexweşxaneyê ya li taxa Yoruk Selîm a Mereşê pêk hat û bi sedan kes beşdar bûn û wêneyên qûrbaniyên komkujiyê ku li ser pankartbûn vekirin û heta Cemxaneya Erenler meşiyan.&nbsp;

	&nbsp;

	Di meşê de bênavber dirûşm hatin berzkirin. Gelek nûner û rêveberên sazî û dezgehên elewiyan û parlamenterên HDP’ê û CHP’ê di me merasîmê de amade bûn.&nbsp;

	&nbsp;

	Serokê Desteya Baweriya Federasyona Elewiyên Bektaşî Hasan Kilavûz axaftina vekirinê ya bernameyê kir.&nbsp;

	&nbsp;

	‘KOMKUJÎ SÛCÊ LI DIJÎ MIROVATIYÊ BÛ’&nbsp;

	&nbsp;

	Li ser navê komîteya amadekar Serokê Komeleya Çandê ya Erenler Muslum Îbîlî axivî û got komkujiya li Mereşê pêk hat sûcê li dijî mirovahiyê bû û ew naxwazin ji niha şûnve li welat bûyerên wiha xemgîn biqewimin û ew aştî û aramiyê dixwazin.&nbsp;

	&nbsp;

	‘FAŞÎZMA 12’Ê ÎLONÊ KIRIN HÊNCET’&nbsp;

	&nbsp;

	Li ser navê saziyên elewiyan Huseyîn Guzelgul axivî û da zanîn ku dewleta kûr faşîzma darbeya 12’ê Îlonê kir hênceta êrişa li dijî Mereşê û bi taybetî li herêma welatiyên elewî lê dijiyan komkujiyên hovane û xwînxwarî pêk hatin.&nbsp;

	&nbsp;

	‘DIVÊ DEWLET RÛBIRÛ BIBE’&nbsp;

	&nbsp;

	Parlamenterê HDP’ê yê Edeneyê Kemal Pekoz jî qûrbaniyên komkujiyê bibîr anî û diyar kir ku ew li her deverê van komkujiyan tînin ziman û birînên wan hêj sax nebûne û ji Qoçgirî heta Zîlan û Agiriyê, ji Sêwaz û Gaziyê heta Roboskî hêj komkujî dewam dikin û birînên wan xwîn dibin. Pekoz anî ziman ku divê dewlet bi komkujiyan re “rûbirû” bimîne.&nbsp;

	&nbsp;

	Piştî axaftinên hatin kirin ji bo bîranîna qûrbaniyan find hatin pêxistin û qûrnefilan danîn erdê. Bernameya bîranînê bi gerandina semahê bi dawî bû.&nbsp;

	&nbsp;