
‘Ji bo tespîtkirina kujerên Elçî tu hewldan nayên kirin’ 

2019-12-20 16:28:45


	&nbsp;

	AMED – Rêveberê Baroya Amedê parêzer Muhlîs Ogûrgul di çalakiya ji bo Tahîr Elçî de axivî û got ji bo tespîtkirina kujerên cînayeta Elçî tu hewldan nayên kirin. &nbsp;

	&nbsp;

	Baroya Amedê bi boneya kujerên Tahîr Elçî werin dîtin û darizandin di hefteya 207’emîn de li ber Dadgeha Amedê çalakiya heftane li dar xist. Gelek parêzer beşdarî çalakiyê bûn û pankarta “Em te ji bîr nakin” hildan.&nbsp;

	&nbsp;

	Rêveberê Baroya Amedê parêzer Muhlîs Ogûrgul di çalakiyê de axivî û destnîşan kir ku tevî 4 sal bi ser kuştina Tahîr Elçî de derbas bûye jî heta niha ji bo tespîtkirina kujerên Elçî tu hewldanek nehatiye kirin.&nbsp;

	&nbsp;

	&nbsp;‘MUDAXELEYÊN LI DIJÎ NIRXÊN MIROVAHIYÊ TÊN KIRIN’&nbsp;

	&nbsp;

	Ogûrgul bal kişand ser binçavkirina Hevşaredara Sûrê Fîlîz Buluttekîn û got: “Di serdegirtina mala Buluttekîn de polîsan çek xistiye serê wê û kurê wê yê 10 salî. Tayînkirina qeyûman ne bes e, di dema binçavkirinê de çekan xistine serê hevşaredar û malbata wê. Mudaxeleyên li dijî nirxên mirovatiyê nayên qebûlkirin.”&nbsp;

	&nbsp;

	‘LI ZAROKÊN GIRTÎ TUNDÎ TÊ KIRIN’&nbsp;

	&nbsp;

	Pişt re Seroka Komîsyona Girtîgehê ya Baroya Amedê Gîzem Mîran binpêkirina mafên mirovan ên li girtîgehan tespît kirine eşkere kir. Mîran got li girtîgehan her cûre mafê girtiyan tê binpêkirin û li girtî û zarokên girtî jî tundî tê kirin.&nbsp;

	&nbsp;

	Daxuyanî bi çalakiya rûniştinê bi dawî bû.&nbsp;

	&nbsp;