Walîtiya Mûşê çalakiyên ji bo tayînkirina qeyûman qedexe kir

2019-12-18 13:20:16


	MÛŞ - Polisan, destûr neda HDP'iyên ku ji bo şermezarkirina tayînkirina qeyûman a ser şaredariyên Kop, Gumgum û Lîs'ê hatin gelhev çalakî li dar bixin. Polisan weke hincet "qedexeya walîtiyê" nîşan da. 

	Li Mûşê polisan, destûr neda gel ji bo şermezarkirina tayînkirina qeyûman a ser şaredariyên Kop, Gumgum û Lîs'ê bên gelhev û çalakî li dar bixin. Polisan avahiya Şaredariya Kopê dorpêç kir û destûr nedan Parlamenterê HDP'ê Mensûr Işık, Hevseroka HDP'ê ya Bajar Aynûr Sarica û hevserokên HDP'ê yên navçeyan jî di nav de gelek HDP'iyên ku hatin gelhev û xwestin daxuyanî bidin. Polisan weke hincet jî "qedexeya walîtiyê" nîşan da. 

	 

	Li ser vê yekê HDP'î derbasî avahiya HDP'ê ya navçeyê bûn û Parlamenter Mensûr Işik li vir daxuyaniyek da. Işik, diyar kir ku tayînkrina qeyûman nenaskirin vîna gelê kurd e û wiha got: "Em jî vê bêhiqûqiyê nas nakin. Kesên ku van biryaran didin sûc dikin. Dê pêşerojê de em ê li dadgehan hesab ji van kesên ku ev biryar didin, pêk tînin û dibin alet bipirsin.