
Pero Dundar: Di serdema qedexeyan de mafê milyonek û 809 hezar kesî hatiye binpêkirin

2019-12-14 16:42:34


	ENQERE – Parlamentera HDP’ê Pero Dundar têkildarî salvegera qedexeya derketinên derve li gel parlamenterên HDP’ê li Meclîsê civîna çapemeniyê li dar xist. Dundar têkildarî wê serdemêdaneyan parve kir û got di wê serdemê de mafê wek azadî û ewlehiyê yê milyonek û 809 hezar kesî hatiye binpêkirin.

	Komek parlamenterên HDP’ê têkildarî salvegera qedexeya derketina derve ya li navçeyên Cizîr û Silopya yên Şirnexê li Meclîsê civîna çapemeniyê li dar xistin. Li ser navê wekîlan Parlamentera HDP’ê ya Mêrdînê Pero Dundar daxuyanî da û got ji bo ew wê hovîtiya di navbera 2015’an û 2016’an de qewimîn şermezar bikin li hev kom bûne.&nbsp;

	&nbsp;

	‘MAFÊ MILYONEK Û 809 HEZAR KESÎ HAT BINPÊKIRIN’&nbsp;

	&nbsp;

	Dundar anî ziman ku AKP tehamulî encamên serkeftina HDP’ê ya hilbijartina 7’ê Hezîrana 2015’an nekiriye û ji ber vê yekê bajar û navçeyên keleha HDP’ê ne ji xwe re kiriye armanc û bi pevçûn û şer serûbin kiriye. Dundar qedexeyên derketina derve yên li bajar û navçeyên herêmê hatine ragihandin yek bi yek vegot û di qedexeyên derketina derve yên wê serdemê de mafê wek azadî û ewlehiyê ango mafên bingehîn ên milyonek û 809 hezar kesî hatiye binpêkirin. Dundar got ji mafê jiyanê bigire heta mafên perwerdehiyê bi sûcên li dijî mirovahiyê re rû bi rû maye û hêj li hin deveran bajarên herêmê ew qedexe dewam dikin.&nbsp;

	&nbsp;

	‘DEWLETÊ TERORÊ PÊK ANÎ’&nbsp;

	&nbsp;

	Dundar bi bîr xist kul i Cizîrê di jêrzemînên avahiya de hovîtî pêk hatiye û hêj ew birînên wê demê nehatine kewandin. Dunar got li navendên wek Cizîr, Silopya, Nisêbîn, Hezex, Şirnex, Kerboran, Farqîn, Sûr, Gever û gelek deverên din di bin navê ‘qedexeya derketina derve’ de terora dewletê pêk hatiye. Dundar diyar kir ku îqtîdarê li dijî hemwelatiyên xwe şerek giran daye destpêkirin.&nbsp;

	&nbsp;

	‘ŞÛNWARÊN DÎROKÎ HATINE SERÛBINKIRIN’&nbsp;

	&nbsp;

	Dundar da zanîn ku siyasetmedar jî di nav de bi sedan sivîl li wan deverên hatine qedexekirin hatine qetilkirin û bi kuştina însanan re malbatên wan jî hatine cezakirin. Dundar got yek ji bajarên qedîm ên Kurdistanê Sûr li gel di bin parastina UNESCO de ye jî hatiye serûbinkirin û dîroka bi hezarê salan hatiye hilweşandin.&nbsp;

	&nbsp;

	NÊZÎ 2 HEZAR KESÎ JIYANA XWE JI DEST DAYE&nbsp;

	&nbsp;

	Dundar bal kişand ser qewimandinên li navçeya Cizîrê û got hêj li Cizîrê cenazeyê 14 kesan radestî malbatên wan nehatiye kirin. DunDar anî ziman ku bi qedexe û hovîtiya hat qewimandin re aştiya civakî hatiye parçekirin û xweşiyê cihê ji şer re hiştiye. Dundar got 800 jê hêzên ewlekariyê nêzî 2 hezar kesî jiyana xwe ji dest daye.&nbsp;

	&nbsp;

	‘SÛCÊN LI DIJÎ MIROVAHIYÊ HATIN KIRIN’&nbsp;

	&nbsp;

	Dundar diyar kir ku dorpêçkirina li bajarên kurd hat destpêkirin niha li tevahiya Tirkiyê didome û niha heman pêvajoyê jî dibin ser bajar û navçeyên Bakur û Rojhilatê Sûriyê. Dundar got hemû sazî û dezgehên navneteweyî û Yekîtiya Ewropayê li dijî van kirinên dijmirovane û hovîtiyê bêdeng maye û vê bêdengiyê jî wêrekiyê daye AKP’ê. Dundar da zanîn ku seranserî dorpêç û qedexeyan li dijî mirovahiyê sûcên giran hatine kirin û ew di şexsê Taybet Înan, Sêvê Demîr, Pakîze Nayir, Fatma Uyar, Mehmet Tûnç, Asya Yuksel, Cemîle Çagirga û Rozerîn Bulut de hemû kesên di dorpêçkirinan de jiyana xwe ji dest dane bi bîr tînin.&nbsp;

	&nbsp;