
Li Îzmîrê li aqûbeta Faîk Kevcî hat pirsîn 

2019-12-14 15:38:29


	&nbsp;

	ÎZMÎR – Şaxa ÎHD’ê ya Îzmîrê li aqûbeta Faîk Kevcî yê di sala 1993’an de hat revandin û windakirin pirsî.&nbsp;

	&nbsp;

	Rêveberên Şaxa Komeleay Mafên Mirovan (ÎHD) a Îzmîrê û Xizmên Windayan bi dirûşma “Bila winda bên dîtin û kujer werin darizandin” li ber avahiya Serokwezîriyê ya li navçeya Konakê çalakiya heftane li dar xistin. Nûnerên saziyên civakî û gelek kes beşdarî çalakiyê bûn. Rêveberê ÎHD’ê Ahmet Çîçek daxuyanî da.&nbsp;

	&nbsp;

	Çîçek çîroka windakirina Faîk Kevcî yê di 8’ê kanûna 1993’an de li navçeya Wêranşara Rihayê ji aliyê hin kesên cilên sivîl li wan hat revandin û windakirin parve kir. Çîçek got ji wê rojê heta niha hemû serlêdan û hewldanên malbatê ji bo dîtina cenaze û kujeran bêencam mane û malbat hêj li Faîk Kevcî digere. Çîçek got ew ê ji bo edalet pêk were û li dijî windakirinên bi darê zorê dê têbikoşin.&nbsp;

	&nbsp;

	&nbsp;