
HDP’iyan got ‘endamên îstîxbaratê’ gefan li wan dixwin 

2019-12-12 16:49:29


	STENBOL – Rêveberên HDP’ê yên Stenbolê gotin hin kesên xwe wek “endamên îstîxbaratê” didin nasîn û wan tehdît dikin. Hevserokê HDP’a Stenbolê Erdal Avci jî got dê polîtîkaya zext û tundiyê encam nede.

	Endam û rêveberên Rêxistina HDP’ê ya Stenbolê bi boneya hin kesên xwe wek “endamên îstîxbaratê” didin nasîn û wan tehdît dikin û sîxûriyê li wan ferz dikin serî li Şaxa Komeleya Mafên Mirovan (ÎHD) a Stenbolê dan. HDP’yan piştî serlêdanê civîna çapemeniyê li dar xistin. Hevserokên HDP’a Stenbolê Erdal Avci û Elîf Bulut jî tev li civînê bûn.&nbsp;

	&nbsp;

	‘BÛYER SÎXÛRÎ Û GEFAN ZÊDE DIBIN’&nbsp;

	&nbsp;

	Seroka ÎHD’a Stenbolê Gulseren Yolerî da zanîn ku di demên dawî de bûyerên sîxûrkirinê û tehdîtan zêde bûne û ev kesên van sepanan pêk tînin xwe ne wek polîsan wek endamên îstîxbaratê didin nasîn.&nbsp;

	&nbsp;

	‘DI BIN NAVÊ BAZIRGANIYÊ DE KETINE PEYWENDIYÊ’&nbsp;

	&nbsp;

	Rêveberê HDP’ê Cuneyt Karabey da zanîn ku hin kesan bi bahaneya dê kargeha wî bikirin pê re ketine peywendiyê û gefên kuştinê û sîxûriyê lê ferz kirine û van kesan gefa “em naxwazin tiştek were serê te” lê xwarine.&nbsp;

	&nbsp;

	LI SER MALBATÊ GEF XWARIN E&nbsp;

	&nbsp;

	Rêveberê Komeleya Piştevaniyê û Alîkariyê ya Xizmên Windayan a Andoluyê (ANYAKAY-DER) Osman Ozdemîr jî anî ziman ku dema ew ji mala xwe derketiye du kesan wî desteser kiriye û jê re gotine “ne tirs e em ne polîs in, em ên îstîxbaratê ne.” Ozdemîr got van kesan xwestiye pê re sohbet bikin û çayê bi hev re vexwein û hemû teklîfê wan ên sîxuriyê û gefên kuştinê red kiriye. Ozdemîr anî ziman ku van kesan bi malbata wî gefên kuştinê lê xwarine.&nbsp;

	&nbsp;

	LI WESAYÎTÊ SIWAR KIRIN Û GEF XWARIN&nbsp;

	&nbsp;

	Rêveberê HDP’a Stenbolê Erkan Kakça jî diyar kir ku dema ew ji malê derketiye çûye dikanê hin kesan rêya wî biriye, li wesayîtê siwar kirine û van kesan bi darê zorê xwestiye pê re biaxivin û sohbete bikin. Kakça got wî hemû teklîfên wan kesan red kiriye.&nbsp;

	&nbsp;

	AVCI: WÊ TUNDÎ BÊENCAM BIMÎNE&nbsp;

	&nbsp;

	Hevserokê HDP’a Stenbolê Erdal Avci jî diyar kir ku polîtîkaya zext û tundiyê ya li ser partiya wan, rêveber û endamên wan dê bêencam bimîne û dê têkoşîna xwe dewam bikin.&nbsp;

	&nbsp;

	‘RÊBAZÊN DIJQANÛNÎ NE’&nbsp;

	&nbsp;

	Hevseroka HDP’a Stenbolê Elîf Bulut jî bang li Wezareta Karê Navxweyî û Wezarata Dadê kir û got ev kesên zextan li ser endam û rêveberên wan dikin bi rêbazên dijqanûnî û tehdît, şantaj û îşkenceya derûnî sûc dikin û mafên mirovan binpê dikin. Bulut got lazime ev rêbazên dijqanûnî werin eşkerekirin.&nbsp;

	&nbsp;

	&nbsp;