Li Kobanê komxebata yekitiya neteweyî dest pê kir 

2019-12-11 15:16:21


	KOBANÊ - Li Kobanê, yekemîn komxebata yekitiya neteweyî, bi beşdarbûna hejmareke partiyên siyasî û rewşenbîrên kurd bi dirûşma "Tenê bi yekitiya xwe em dikarin azadî û çarenûsa xwe bi dest bixin" dest pê kir.

	Piştî banga Yekitiya Rewşenbîran a Kantona Kobanê ji partiyên siyasî, kesayetên welatparêz û serbixwe di çaroçoveya avakirina lêvegereke siyasî kurdî ku nûnertiya helwestên kurdî li ser asta navdewletî bike û di çarçoveya êrişên dewleta tirk li dijî herêmên Rojava, komxebat tê lidarxistin.

	 

	Partiyên siyasî yên kurdî mîna Partiya Çepgir a Kurdî li Sûriyê (PDKS), Partiya Yekitiya Demokratîk (PYD), Partiya Yekitiya Demokratîk a Kurdî li Sûriyê (PYDKS), Partiya Demokratîk a Kurdî li Sûriyê (PDKS) û Partiya Demokratîk a Pêşverû ya Kurd li Sûriyê (PDPKS) banga Yekitiya Rewşenbîran a Kobanê pêk anî.

	 

	Her wiha partiyên siyasî, kesayetên welatparêz, serbixwe yên kantonê beşdarî komxebatê bûn. Komxebat li parka Ronî War a li navenda Kobanê tê lidarxistin.

	 

	Di destpêkê de lêkolînerê siyasî Mesûd Mihemed axivî û got aliyên şer li Sûriyê û Tirkiyê ji beriya çend salan di nava şerekî leşkerî û siyasî de ne û lihevkirinên ku di wan de dibêjin divê şer li dijî Kurdan li ku derê be were kirin û ji bo vê yekê jî nêrîna wan dibin yek her wiha li Îran û Iraqê jî.

	 

	Li parka ku komxebat lê tê lidarxistin tabloyên bi nivîsa "Kurdistan welatê me ye, zimanê me kurdî ye, dîroka me zerdeştî ye û giyanê me êzidî ye" û "Ji berxwedana keleha Hewlêrê heta Kobanê keleha berxwedanê em ê li ser soza xwe bin heta Kurdistanê rizgar bikin" hatine daliqandin.

	 

	Komxebat dê du rojan dewam bike.