
Tiryakî: Yên tayînkirina qeyûm îmze dikin sûcê destûra bingehîn dikin

2019-12-10 14:05:58


	ÊLIH – Parlamenterê HDP’ê Mehmet Ruştu Tiryakî diyar kir ku yên biryara qeyûm îmze dikin hemû li dijî destûra bingehîn sûc dikin. Parlamenter Ayşe Acar Başaran jî ji berk u hevşaredarên Êlihê venexwendine “Rojên Danasîna Êlihê” ya li Stenbolê rexne kir.&nbsp;

	&nbsp;

	Rêxistina HDP’ê ya Êlihê li otelek Êlihê bi rojnamegeran re civîna taştê li dar xist. Parlamenterên HDP’ê yên Êlihê Mehmet Ruştu Tiryakî û Ayşe Acar Başaran, Hevşaredarên Êlihê Songul Korkmaz û Mehmet Demîr, Hevşaredara Awîskê Hatîce Taş û rêveberên HDP’ê beşdar bûn. Balkêş bû ku polîsan derdora avahiya otêlê dorpêç kiribûn.&nbsp;

	&nbsp;

	'SÛCÊ DESTÛRA BINGEHÎN HATIYE KIRIN’&nbsp;

	&nbsp;

	Parlamenterê Mehmet Ruştu Tiryakî di civînê de axivî û diyar kir ku tayînkirna qeyûman tenê wezîfedarkirin e û ji ber ku biryar ne mayînde ye dê biryarê ji du mehan carek di ber çavan de derbas bikin. Tiryakî anî ziman ku mafê welatiyan ên hilbijartinê pirr eşkere hatiye desteserkirin û li dijî hiqûqê ye. Tu lêpirsînek derbarê Hevşaredarê Awîskê Osman Karabul û hevşaredarên me din de nehatiye destpêkirin. Ev biryarek siyasî ye. &nbsp;Tiryakî diyar kir ku yên biryara qeyûm îmze dikin hemû li dijî destûra bingehîn sûc dikin.

	&nbsp;

	'ÊRIŞA LI DIJÎ HEVSEROKATIYÊ YE’&nbsp;

	&nbsp;

	Parlamentera HDP’ê Ayşe Acar Başaran jî da zanîn ku tayînkirina qeyûman bi taybetî êrişek li dijî pergala hevserokatiyê ye û got: “Em dizanin ku îqtîdar naxwaze jinek were ser rêveberiyê. Êrişek li dijî mafê hilbiartin û têkoşîna jinan e. Em ê dest ji siyaseta demokratîk û pergala hevserokatiyê bernedin.”&nbsp;

	&nbsp;

	'HEQARET LI ÊLIHÊ KIRIN E’

	&nbsp;

	Başaran bal kişand ser li dar xistina “Rojên Danasîna Êlihê” ya ji aliyê Walîtiya Êlihê ve li Yenîkapiya Stenbolê û got tenê AKP’yî û kesên nêzî AKP’ê vexwendine van rojên danasîna Êlihê. Başaran anî ziman ku hevşaredarên Êlihê nehatine vexwendin û walî dixwaze Êlihê ji bo berjewendiyên xwe bide nasîn û vê yekê wek heqaretek li dijî Êlihê pênase kir. &nbsp;

	&nbsp;