
Dadgehê di doza Nisêbînê de li 3 girtiyan 5 muebbet û 78 sal ceza birî                

2019-12-06 21:54:07


	&nbsp;

	&nbsp;

	MÊRDÎN –Danişîna doza Nisêbîne ku 17 jê zarok 70 kes tên darizandin li 4'emîn Dadgeha Cezayên Giran a Mêrdînê berdewam kir. Heyeta dadgehê di danişîna 4 girtiyên îro hatin darizandin de li 3 girtiyan bi giştî 5 caran cezayê &nbsp;maebbetê û 78 sal û 6 meh cezayê girtîgehê birî.&nbsp;

	&nbsp;

	Danişîna doza 17 jê zarok 70 kesên piştî qedexeyên dorpêça Nisêbînê di 26'ê Gulana 2016'an de hatin binçavkirin û girtin, li 4'emîn Dadgeha Cezayên Giran a Mêrdînê berdewam kir. Piştî heyeta dadgehê danişîna girtiyan ji hev qetand, îro danişîna 4 girtiyan hat dîtin. Heyeta dadgehê cezayên girtan li girtiyan birîn. Ewil danişîna doza Jiyan Ay a li Girtîgeha Jinan a Kayseriyê girtî ye hat dîtin. Di danişînê de parêzer û Ay amade bûn. Dadgehê piştî parastinê 20 sal ceza li Ay birî.&nbsp;

	&nbsp;

	Piştre danişîna doza Mehmet Faruk Engîn ê li Girtîgeha Tîpa E ya Mêrdînê ye hat dîtin. Engin jî tev li danişînê bû. Piştî Engin parastin kir heyetê ji 3 cezayên cuda bi giştî 31 sal ceza lê birî.&nbsp;

	&nbsp;

	Piştî Ergîn Resûl Ergun ji Girtîgeha Tîpa T a Erzînganê tev li danişînê bû. Ergun jî piştî parastin kir û sûcdariya der barê xwe de red kir. Lê heyeta dadgehê 3 caran cezayê muebetê û 27 sal ceza birî.

	&nbsp;

	Danişîna doza Recep Yel jî hat dîtin. Yel ji Girtîgeha Tîpa T a Osmaniyeyê anîn dadgehê. Di danişîna dadgehê de Yel û parêzerên xwe amade bûn. Yel, parastin kir û îdîayên der barê xwe de red kir. heyetê doz taloq kir.&nbsp;

	&nbsp;

	Heyeta dadgehê heta niha der barê 29 kesan de biryar dabû. Heta niha dadgehê der barê Yasemin Erkol 10 sal, Ozgur Sevim cezayê muebbeta giran û 25 sal, Îlyas Dogan, Omer Karataş, Osman Bozkurt, Hamit Acur û Akar Îkbal de muebbeta giran û 15 sal, der barê Sadık Tan, Bayram Sevgin, Firat Darî, Mazlum Yaşa û Hatip Oyman de muebbeta giran û 18 sal, der barê Ercan Dolaşır de muebbeta giran û 10 sal, der barê Erkan Benlî de muebbeta giran û 20 sal û 3 meh, der barê Baver Başar de muebbeta giran û 19 sal, der barê Mehmet Zirig de muebbeta giran û 17 sal, der barê Suleyman Goksel Yerdut de muebbeta giran û 15 sal, der barê Dilber Tanrıkulu de muebbeta giran û 26 sal, der barê Tufan Îlbaş de muebbeta giran û 27 sal û 6 meh, der barê Ramazan Eroglu &nbsp;de jî 2 muebbetê giran û 3 sal cezayê girtîgehê birîbûn.&nbsp;

	&nbsp;

	Heyetê der barê Şukru Aybek, Heja Algan, Emre Topçuoglu, Baran Eman, Çeçan Kilkaya û Dilan Aslan de jî ji ber temenê wan biçûk e ji bo her yekî-e 35 sal û 10 meh cezayê girtîgehê birîbûn. Dîsa li 2’emîm Dadgeha Cezayên Giran a Mêrdînê Huseyin Bag rastî cezayê muebetê û 11 sal, Zehra Kaya cezayê muebetê û 18 sal, Fatma Aslan 21 sal û 7 meh ceza hatibûn.&nbsp;

	&nbsp;

	Ji girtiyên dozê Medya Çınar û Siraç Yuksek, di çalakiya li dijî tecrîdkirina Rêberê PKK'ê Abdullah Ocalan de dawî li jiyana xwe anîbûn.&nbsp;

	&nbsp;