
Polîsên beşdarî danişînê nebûn îfadeyên wan li dadgehên cuda hatine sitendin 

2019-12-05 13:32:47


	AMED – Di danişîna doza teqîna mitînga HDP’ê ya Amedê de daxwaza parêzeran hat redkirin. Derket holê ku 5 polîsên beşdarî danişînê nebûne parastina wan li dadgehên cuda hatine girtin.&nbsp;

	DAIŞ’ê di 5’ê Hezîrana 2015’an de di mitînga HDP’ê ya Amedê de bombe teqandibû. Têkildarî êrişa bombeyî derbarê 19 polîsan de doza “Wezîfeya xwe nebaş kirine” hatibû vekirin. Danişîna 8’emîn a dozê li 14’emîn Dadgeha Cezayê Asliyê ya Amedê hat dîtin. Bersûc tev li danişînê nebûn û xizmên kesên di teqînê de jiyana xwe ji dest dabûn, Parlamentera HDP’ê ya Amedê Remziye Tosun, Hevseroka Rêxistina HDP’ê ya Amedê Hulya Alokmen û rêveberên ESP’ê doz şopandin.&nbsp;

	&nbsp;

	BERIYA DANIŞÎNÊ ÎFADEYÊN WAN HATINE GIRTIN

	&nbsp;

	Hat zanîn ku ji van 19 polîsên tên darizandin parastina 5 polîsan ku tayîna wan derxistibûn cihê cuda parastina wan hatiye girtin.&nbsp;

	&nbsp;

	PARÊZERAN PARASTIN KIR&nbsp;

	&nbsp;

	Parêzera mexdûrên teqînê Nadîde Kurul da zanîn ku angaştnameya derbarê 5 polîsan de hatiye amadekirin ne li gorî qanûnan e û xwest ev polîs li dadgeha cezayê giran werin darizandin.&nbsp;

	&nbsp;

	Parêzer Zeynep Işik jî xwest ku çawa beşdariya HDP’ê ya doza li Enqereyê tê dîtin hatiye qebûlkirin divê dadgeha Amedê jî beşdariya HDP’ê ya dozê were qebûlkirin.&nbsp;

	&nbsp;

	&nbsp;

	Parêzer Gurbet Yavuz jî anî ziman ku îfadeyên polîsan ên li dadgehên cuda hatine girtin li dijî rêgeza hevrûbûnê ye û xwest bersûc di danişînê de amade bin.&nbsp;

	&nbsp;

	'EM DIXWAZIN TEV LI DOZÊ BIBIN’&nbsp;

	&nbsp;

	Naciye Guzel, Remziye Yildiz, Gulistan Yildiz, Fesîh Karakoç, Yalçin Soner, Selahattîn Bekçî, Ceylan Arslan, Mazlum Arslan, Askerî Yildirim, Delal Fîdan û Adalet Sevîl ên di teqînê de xizmên xwe winda kirin û birîndar bûn jî beşdarî danişînê bûn û gilî kirin.&nbsp;

	&nbsp;

	Naciye Guzel anî ziman ku birayê wê di mitîngê de jiyana xwe ji dest daye û xwest sûcdar werin cezakirin û xwest bersûc tev li danişînê werin kirin.&nbsp;

	&nbsp;

	Remziye Yildiz, Şaban Aslan, Fesîh Karakoç, Yalçin Soner û Ceylan Aslan jî axivîn û xwestin bersûc û kujer werin cezakirin.&nbsp;

	&nbsp;

	DAXWAZ HAT REDKIRIN&nbsp;

	&nbsp;

	Dadger piştî navberê danişînê dewam kir, daxwaza ku bila bersûc li dadgehê îfade bidin red kir û danişînê taloqî 5’ê adara 2020’an kir.&nbsp;

	&nbsp;

	'EM Ê DOZÊ BIŞOPÎNIN’&nbsp;

	&nbsp;

	Piştî danişînê HDP’yî û malbatan li ber dadgehê daxuyaniya çapemeniyê dan. Hevseroka HDP’a Amedê Hulya Alokmen li ser navê malbatan axivî û diyar kir ku konsepta êrişa di 2015’an de li dijî HDP’ê pêk hat îro jî didome û got: “Me xwest ku em jî tev li dozê bibin. Ji bo ew polîsên karê xwe nebaş kirine werin cezakirin em ê dozê bişopînin. Em dixwazin raya giştî hestiyar be.”&nbsp;

	&nbsp;