
Ji 25’ê Mijdarê heta 8’ê Adarê: Em dixwazin wekhev û azad bijîn 

2019-12-05 10:07:13


	&nbsp;

	ENQERE – Sekretera Jinan a KESK’ê Gulîstan Atasoy diyar kir ku dê kampanya “Em dixwazin wekhev û azad bijîn” a di 25’ê Mijdarê de dan destpêkirin dê heta 8’ê Adarê Roja Jinan a Cîhanê dewam bike û got: “Me biryar da ku em li dijî êrîşên bîrdozî yên îqtîdarê li ser jinan têkoşîne her dem bixin meriyetê.”&nbsp;

	&nbsp;

	Jinên endamên Konfedarasyona Sendîkayên Kedkarên Cemaweriyê (KESK) di 25’ê Mijdarê Roja Têkoşîna Navneteweyî Ya Li Dijî Tundiya Ser Jinan kampanya ““Em dixwazin wekhev û azad bijîn” dan destpêkirin. Wê ev kampanya ji 25’ê Mijdarê heta 8’ê Adarê Roja Jinan a Cîhanê dewam bike.

	&nbsp;

	DÊ KAMPANYA BI DU MILÎ BIRÊVE BIBIN&nbsp;

	&nbsp;

	Kampanya tê plankirin ku bi du milan were meşandin. Milê yekemîn ê vê bernameyê jinên KESK’î dê li kargehan pêvajoyek nîqaşê bidin destpêkirin û di vê çarçoveyê de li dijî tundiyê cudahiyê li pêş bixin û armanc dikin ku bi hev re tora têkoşînê bi honînin.&nbsp;

	&nbsp;

	Di milê duyemîn ê bernameyê de jî dê jinên KESK’î li dijî êrişan rêxistina xwe xurt bikin, bi saziyên din ên jinan re hevpar bibin û armanc dikin ku bêtir li qadan û kolanan bin û piştevaniya xwe mezin bikin.&nbsp;

	&nbsp;

	DÊ JI BO 8’Ê ADARÊ PÊŞBIRK LI DAR BIXIN&nbsp;

	&nbsp;

	Jinên KESK’î dê têkildarî daxwazên wek “Bila destûra welidandinê bê zêdekirin, bila 8’ê Adarê roja destûra bi heq were dîtin, Wezareta Jinan û Wekheviyê were avakirin” xebatê birêve bibin û ber bi dawiya kampanyayê ve dê li Meclîsê hevdîtinek navendî pêk bînin.&nbsp;

	&nbsp;

	Her wiha dê ber bi 8’ê Adarê ve bi dirûşma “Xweza Ez im, Hilberîner Ez im, Ked Ez im, Jiyan Ez im, Jin Ez im” dê pêşbirka sêwiran a afîşan li dar bixin. Tê payîn şertnameya pêşbirkê di rojên pêş de eşkere bibe.&nbsp;

	&nbsp;

	‘TÊKOŞÎN DÊ SERDESTIYÊ BIŞKÎNE’&nbsp;

	&nbsp;

	Sekretera Jinan a KESK’ê Gulistan Atasoy diyar kir ku keda jinan tê xespkirin û rêya şikandina serdestiya sîstematîk a li ser jinan rizgarî di têkoşîna jinan de derbas dibe û got: “Berxwedana jinan ji duh heta îro ku li refên pêş têdikoşin xwe eşkere dike. &nbsp;“Me biryar da ku em li dijî êrîşên bîrdozî yên îqtîdarê li ser jinan têkoşîne her dem bixin meriyetê.”

	&nbsp;

	DÊ BI TÊKOŞÎNA XWE BIBIN QÎRÎNA JINAN&nbsp;

	&nbsp;

	Atasoy da zanîn ku ew ê bibin dengê qîrîna jinên naxwazin werin kuştin û di vê çarçoveyê de dixwazin ew azad û wekhev bijîn û loma navê kampanya xwe wisa danîne. Atasoy anî ziman ku ew ê li dijî her cûre şidet û cînayetan bênavber têkoşîna xwe birêve bibin û xebatên xwe bidomînin.&nbsp;

	&nbsp;

	MA / Zemo Aggoz

	&nbsp;