
Di danişîna Şûle Çet de: Divê edaleta rast bê bicihanîn’ 

2019-12-04 12:59:39


	ENQERE - Jin, berî danişîna biryarê ya doza kuştina Şûle Çet li ber Edliya Enqerê kom bûn û xwestin “edaleta rast” bê bicihanîn. &nbsp;

	Endamên Platforma Jinan a Enqerê û bi sedan jin, berî danişîna biryarê ya doza Xwendekara Zanîngeha Gazî ya Enqerê Şûle Çet (22) a di 29’ê Gulana 2018’an de, bi awayekê biguman ji qata 20’emîn a Yelken Plaza ketibû xarê û jiyana xwe ji dest dabû dest pê bike, li ber Edliya Enqerê kom bûn.&nbsp;

	&nbsp;

	Bavê Ceren Şenel Damar a di Fakulteya Hiqûqî ya Zanîngeha Çankaya de dixebitî ji aliyê Hasan Îsmaîl Hîkmet ve hat kuştin Mûstafa Damar, keça Fatma Şengul a hat qetilkirin Açelya Şengul û dayika Ayşe Karaman a bi awayekê biguman jiyana xwe ji dest da Ferîde Karaman tevlî daxuyaniya çepemeniyê bûn.&nbsp;

	&nbsp;

	‘EM Ê TUNDIYA LI DIJÎ JINÊ, JI NAVA CIVAKÊ PAQIJ BIKIN’

	&nbsp;

	Dest pê kê bavê Ceren Damar Mûstafa Damar axivî û wiha got: “Mirovên li ber edliyê radiwestin edaletê dixwazin. Mirovên li vê derê dibêjin ‘ewlekariya canê me tuneye.’ Di heman demê besha îhmalkarî û kêmasiyên hêzên ewlekariyê û midûriyetên ewlehiyê dikin. Jin dixwazin bersûc bên darizandin. Em hêza xwe ji Ceren Damar ku vale vale hat kuştin û Şûle Çet digirin. Emê bi vê hêzê tundiya li dijî jinê, ji nava civakê paqij bikin.” &nbsp;

	&nbsp;

	Dayika Ayşe Karaman Ferîde Karaman jî, di axaftina kir de xwest ku edalet bê bicihanîn û kujer bên cezakirin.&nbsp;

	&nbsp;

	&nbsp;‘XWESTIN, TECAWÎZKARAN BIPARÊZIN’

	&nbsp;

	Aysûn Gençtanir jî li ser navê Platforma Jinan a Enqerê daxuyanî da û diyar kir ku ew ji bo Şûlê Çet a hat qetilkirin, lêgerîna edelatê bi rêve dibin.

	&nbsp;

	Gençtanir, bal kişand ser doza Şûle Çet û wiha got: “Di her danişînê de xwestin bûyerê weke întîxarê nîşan bibin û ser cîneyetê bigirin. Lê êdî ev cînayet bi tu awayî wê di taritiyê de nemîne. Daraza zilam a ku xwest tecawîzkaran biparêzer û ser cînayetê bigire, di heman demê de keçaniya wê, awayê jiyana wê, derûniya wê, têkiliyên wê û rewşa wê ya aboriyê darizandin. Bi vê xwestin qatilên tecawîzwar Çagatay Aksû û Berk Akand biparêze.”

	&nbsp;

	‘EM EDALETA RAST DIXWAZIN’

	&nbsp;

	Gençtanir, da zanîn ku ew edaleta rast dixwazin û wiha dawî li axaftina xwe anî: “Îro 6’emîn danişîna dozê wê bê dîtin. Em di vê danişînê de edalet rast dixwazin. Em edaleta rast dixwazin, jiyana xwe diparêzin.”

	&nbsp;

	Jin, piştî daxuyaniyê ji bo ku danişînê bişopînin derbasî salona dadgehê bûn.

	&nbsp;