
Dest danîn ser laçikên spî yên dayikên di binçavan de 

2019-11-29 15:27:39


	ÊLIH – Di 27’ê Mijdarê de 30 kes li Êlihê hatibûn binçavkirin û 4 roj dema binçavkirina wan hat zêdekirin. Hat zanîn ku polîsan li emniyeta Êlihê dest daniye ser laçikên spî yên dayikan.&nbsp;

	Li Êlihê polîsan di 27’ê Mijdarê de rêveber û endamên Kongreya Civaka Demokratîk (KCD), Meclîsa Dayikên Aştiyê, aktîvîstên Tevgera Jinên Azad (TJA) û Partiya Demokratîk a Gelan di nav de 30 kes binçav kiribûn. Îfadeyên 30 kesên li emniyetê bi dawî bûn û wan birin Dadgeha Êlihê.&nbsp;

	&nbsp;

	Dozgeriyê îfadeya binçavkiriyan negirt û derbarê 30 kesî de xwest dema binçavkirina wan were zêdekirin. Dadgeha Cezayê Sulhê derbarê 30 kesî de 4 rojên din jî dema binçavkirina wan zêde kir.&nbsp;

	&nbsp;

	Polîsan destê 30 kesî bi kelemçeyên plastîk girêdabûn û anîn dadgehê. Hat dîtin ku dayikên aştiyê yên dibinçavan de ku bi laçikên xwe yên spî bûne sembola aştîxwaziyê û tu carî laçik ji serê wan kêm nebûye, laçikên wan ji serê wan kirine. Hat zanîn ku polîsan li emniyetê dest daniye ser laçikên spî yên dayikan.&nbsp;

	&nbsp;

	Hat zanîn ku 30 kesên di binçavan de bi angaşta “endamên rêxistinê ne” hatine inçavkirin û biryara “nepeniyê” danîne ser dosyeya wan.&nbsp;

	&nbsp;