
3 sal ceza li rojnamevan Denîz Kiliç hat birîn

2019-11-28 13:48:10


	ÊLIH – Dadgeha Êlihê 3 sal, mehek û 15 roj cezayê hefsê li nûnerê berê yê rojnameya Azadiya Welat Denîz Kiliç birî.&nbsp;

	Danişîna ewil a doza nûnerê Êlihê yê rojnameya Azadiya Welat a bi KHK’ê hat girtin ê berê Denîz Kiliç li 2’yemîn Dadgeha Cezayê Giran a Êlihê hat dîtin. Kiliç bi angaşta di navbera salên 2014-2015’an de li ser medya civakî nûçe parve kiriye û “propaganda rêxistinê kiriye” heta daxwaza 5 sal cezayê hefsê tê darizandin. Kiliç beşdarî danişînê bû û rojnamevanan doz şopandin.&nbsp;

	&nbsp;

	DANIŞÎN BÊPARÊZER HAT DÎTIN

	&nbsp;

	Balkêş bû ku parêzerê Kiliç tune bû. Piştî xwendina angaştnameyê Kiliç parastina xwe kir. Kiliç da zanîn ku parvekirinên wî tenê nûçe ne û wêneyên parvekirine aîdî Ajansa Nûçeyan a Dîcleyê (DÎHA) ku bi KHK’ê hatiye girtin in.&nbsp;

	Kiliç bersiva pirsên “Tu rojnamegerî? Tu li kîjan rojnameyê dixebitî?” yên serokê dadgehê da û got: “Belê ez ji bo DÎHA’yê wek nuçegihan dixebitîm.” Balkêş bû ku serokê dadgehê gotina “Ez nûçegihanê DÎHA’yê bûm” a Kiliç wek “rojnamevanê Daiyar” derbasî girtekê kir. Kiliç anî ziman ku parvekirinên wî ne sûc in û parvekirinên xwe bi armanca nûçeyan parve kiriye û di çarçoveya azadiya derbirînê de kiriye.&nbsp;

	&nbsp;

	DOZGER XWEST BÊ CEZAKIRIN

	&nbsp;

	Serokê dadgehê ji Kiliç re got “Em ê niha biryar nedin” û navber da danişînê. Piştî navberê dadger xwest dozger mutalaya xwe pêşkêş bike. Dozger got parastina Denîz Kiliç ew e ku dixwaze xwe ji sûc rizgar bike û bi angaşta “propaganda rêxistinê ya li pey hev” xwest Kiliç bê cezakirin.&nbsp;

	&nbsp;

	CEZAYÊ HEFSÊ DANÊ

	&nbsp;

	Serokê dadgehê ji Kiliç re got “Darizandin temam bû, me bi wîjdanî biryar da ku tu sûcdarî.”&nbsp;

	&nbsp;

	Heyeta dadgehê bi angaşta “propaganda rêxistinê kiriye” 3 sal, mehek û 15 roj cezayê hefsê li Kiliç birî.&nbsp;

	&nbsp;

	DÊ ÎTÎRAZÎ BIRYARÊ BIKE&nbsp;

	&nbsp;

	Kiliç piştî danişînê bertek nîşanî biryara dadgehê da û got: “Tiştek bi navê hiqûqê nemaye. Wîjdanê wan 3 sal mehek û 15 roj e.” Kiliç got ew ê îtîrazî biryarê bike.&nbsp;

	&nbsp;