Koalîsyona di Rojnamegeriyê de Jin girtina Demîr û Aydin şermezar kir

2019-11-16 16:39:24


	 

	ENQERE - Koalîsyona di Rojnamegeriyê de Jin (The Coalition For Women In Journalism), bi daxuyaniyekê girtina nûçegihana me Rûken Demîr û nûçegihan Jin News'ê Melîke Aydin şermezar kir

	 

	Koma piştevaniyê ya rojnamegerên jin a gerdûnî Koalîsyona di Rojnamegeriyê de Jin (The Coalition For Women In Journalism),  têkildarî girtina nûçegihana me Rûken Demîr û nûçegihan Jin News'ê Melîke Aydin daxuyaniyeke nivîskî weşand.  Di daxuyaniya bi ser navê "Em girtina rojnameger Rûken Demîr û Melîke Aydin şermezar dikin" hat weşandin de sînordarkirina rojnamegeriyê ku rojnamegerên jin para xwe ji digirin hat şermezarkirin û pêkanîn azadiya ramanê hat xwestin. 

	 

	Daxuyanî bi kurtahî wiha ye:

	 

	"Ji ber binçavkirin û girtina nûçegîhana Ajansa Mezopotamyayê Rûken Demîr û nûçegîhana Jin Newsê Melîke Aydin, em matmayî man. Em ji rayedaran daxwaz dikin ku demildest hempîşeyên meberdin. 

	 

	Polisan bi ser mala Melîke ya li navçeya Konakê ya Îzmîrê de girt û binçav kirine û birine Miduriyeta Polisan a Îzmîrê. Melîke destê wê bi paş de kelemkirî birine, telefon û ekîpmanên wê yên rojnamegeriyê hemû desteser kirine. Di saetên serê sibehê de bi ser mala Rûken ya li Îzmîrê de girtine û wê jî destê wê bi paş de kelemçekirî birine Miduriyeta Polisan a Îzmîrê. Heta 24 saetan hevdîtina wan a bi parêzerên wan re hatiye qedexekirin û derbarê dosyayên wan de biryara nepeniyê hatiye derxistin. 

	 

	Koalîsyona di Rojnamegeriyê de Jin, azadiya çapameniyê ya Tirkiyeyê ji nêz ve dişopîne û sînordarkirina rojnamegeriyê ku rojnamegerên jin para xwe ji digirin şermezar dike û bang li rayedarên tirk dike ku azadiya ramanê pêk bîne."