
Hevserokên Giştî yên HDP'ê: Em li ber kesên ku li hemberî we çok danenîn erdê pejna xwe ditewîn in

2019-11-15 13:12:46


	ENQERE - Hevserokên Giştî yên HDP'ê Pervîn Bûldan û Sezaî Temllî, bi boneya &nbsp;salvegera darvekirina Seyîd Riza û hevalên wî daxuyanî dan û gotin: "Em li ber kesên ku li hemberî we çokên xwe danenîn erdê bi rêzdarî pejna xwe ditewîn in."

	&nbsp;

	Hevserokên Giştî yên Partiya Demokratîk a Gelan (HDP) Pervîn Bûldan û Sezaî Temellî, bi boneya 82'yemîn darvekirina Seyîd Riza û hevalên wî ya 15'ê Mijdara 1937'an de li Dersimê pêk hat de peyamak weşandin.

	&nbsp;

	Daxuyanî Hevserokên HDP'ê wiha ye:&nbsp;

	&nbsp;

	"Em, Seyîd Riza û hevalên wî, di salvegera 82’yemîn a îdama wan de bi rêzdarî bi bîr tînin. Di 15’ê Mijdara 1937’an de, ji ber ku Seyîd Riza û hevalên wî, pêşengiya berxwedana gelê Dêrsimê û gelê kurd ê elewî kir, lewma ew hatin îdamkirin. Bi vê îdamê xwestin ku berxwedana gel bişikînin.

	&nbsp;

	Rêveberiya wê demê, ji bo ku Seyîd Rizayê 75 salî bikaribe îdam bike, temenê wî biçûk kir û ji bo ku bikaribe îdam bike, temenê kurê wî yê biçûk jî mezin kir û wisa ew îdam kirin. Wan daxwaza dawî ya Seyîd Riza bi cih neanî û ew li ber çavên kurê wî îdam kirin û dilê wî êşandin.

	&nbsp;

	NEKARÎN SEYÎD RIZA BIDIN BÎR KIRIN

	&nbsp;

	Ew îro jî gora Seyîd Riza ji malbat û gelê kurd ê elewî vedişêrin, lê Seyîd Riza di salvegera 82’yemîn ya îdamê de ji hişûbîra gelê kurd nehat derxistin û tunekirin. Çimkî bi îdam, komkujî, înkar û zextê nikarin berxwedan û têkoşînê têk bibin.

	&nbsp;

	Em failên Komkujiya Dêrsimê û vî sûcê li dijî mirovahiyê ji bîr nakin û nadin jibîrkirin. Em ê her û her berxwedana mezin a Seyîd Riza û hevalên wî di wijdana xwe, di aqlê xwe û di têkoşîna xwe de zindî bihêlin.&nbsp;

	&nbsp;

	DIVÊ RASTIYA KOMKUJIYÊ BÊ QEBÛLKIRIN&nbsp;

	&nbsp;

	Komkujiya Dêrsimê rûpeleke reş û tarî ya vî welatî ye ku hê jî nehatiye ronîkirin û rûbirûbûnek nehatiye kirin. Divê civaka Tirkiyeyê bi vê dîroka reş, bi komkujî û bi zilmê rû bir û be û hesab bipirse. Rûbirûbûneke civakî dê rêya heqîqetê veke û aştî û demokrasiyê ava bike.

	&nbsp;

	Em Seyîd Riza û hevalên wî yên ku li ber zilma dewletê serî netewandin û bi wêrekî ber bi mirinê ve çûn û ji dewletê re bûn derd û keder, di salvegera 82’yemîn a îdama wan de bi minet bi bîr tînin û li ber têkoşîna wan careke din bejna xwe ditewînin."

	&nbsp;

	&nbsp;