
Destûr nadin ku parêzer hevşaredarên dibin çavan de bibînin

2019-11-15 12:14:56


	MÊRDÎN - Ji bo hevşaredarên Dêrik, Stewrê û Şemrexê yên HDP’ê yên dibin çavan de, hevdîtina parêzer heya 24 saetan qedexe kirin û debarê dosyayê de biryara sînordarkirinê dan. &nbsp;

	Di çarçoveya lêpirsîna Serdozgeriya Komarê ya Mêrdînê dest pê kir de, polîsan di saetên serê sibê de bi ser malên Hevşaredara Navçeya Dêrikê ya HDP’ê Mulkiye Esmer, Hevşaredara Şemrexê Nalan Ozaydin û Hevşaredara Stewrê Gulîstan Oncu û 4 xebatkarên Şaredariya Dêrikê de girtin û binçavk kirin. Derbarê dosyayê de biryara “sînordarkirinê” hat dayîn û ji bo kesên li Miduriyeta Polîsan a Mêrdînê tên girtin hevdîtina parêzeran heya 24 saetan qedexe kirin.&nbsp;

	&nbsp;

	Parêzeran diyar kirin ku midûriyeta polîsan destûr nedaye ku bi muwekîlên xwe re hevdîtinê bikin û ji wan re gotine ku wê destûrê nedin hevdîtinê bikin.&nbsp;

	&nbsp;

	Li aliyê din, polîsan di saetên serê sibê de avahiyên şaredariyên Dêrik û Şemrexê dorpêç kirin û piştî lêgerîna di avahiyê de, ji şaredariyê derketin û çûn. Lê dorpêça derdora şaredariyê hîna jî dewam dike. Xebatkar û endamên meclîsa şaredariyê hîna jî li ber avahiyê radiwestin.&nbsp;

	&nbsp;

	Di heman demê de, polîs destûr nadin ku xebatkar û endamên meclîsa şaredariya Stewrê bikin avahiyê.&nbsp;

	&nbsp;