
Li Amedê Fûara Xurekan vebû 

2019-11-13 16:51:32


	AMED – Fûara Xurekan a Amedê li Navenda Fûar û Kongreyê ya Amedê vebû. Wê 5 rojan dewam bike û esnafên xurekê ji 45 bajaran bi xurekên cûr bi cûr beşdarî fûarê bûn.&nbsp;

	&nbsp;

	Fûara Xurekên Zexîre û Tehmên Herêmî ya Amedê ya duyemîn li Navenda Fûar û Kongreyê ya Amedê vebû. Pêşengeh bi piştevaniya Odeya Bazirganî û Pîşesaziyê ya Amedê (DTSO) tê lidarxistin û mêvaniya rûmetê ya îsal bajarê Meletî ye. Dê xwarinên herêma Meletiyê li Pêşengehê bên çêkirin û pêşkêşî welatiyan bikin.&nbsp;

	&nbsp;

	MITBEXA 45 BAJARAN LI FÛARÊ YE&nbsp;

	&nbsp;

	Xurek ango mitbexa herêmên Wan, Colemêrg, Dersim, Mereş, Osmaniye, Kastamonu, Mêrsîn, Sêwaz, Trabzon, Hatay, Kayserî di nav de ên 45 bajaran li pêşengehê tên nîşandan. Wê pêşengeh 5 roj bidome û heta 17’ê mijdarê li benda welatiyan be.&nbsp;

	&nbsp;

	TÊ PAYÎN 200 HEZAR KES ZIYARET BIKE&nbsp;

	&nbsp;

	Stanta ji aliyê DTSO’yê ve hat vekirin wê xwarinên herêma Amedê bên nîşandan. Wê şef û akademîsyen beşdarî Pêşengehê bibin û kargehên xwarinê pêk bên. Her wiha dê gotûbêj û pêşbirk bên lidarxistin. Tê payîn pêşengeh alîkariyê pêşkêşî turîzmê bike û îsal 200 hezar kes ziyaret bike.&nbsp;

	&nbsp;