
Qedexeya derveyî welat a Hevseroka KCD’ê Guven nehat rakirin 

2019-11-13 11:42:18


	&nbsp;

	AMED – Di danişîna doza Hevseroka KCD’ê Leyla Guven de dadgehê daxwaza rakirina qedexeya derketina derveyî welat red kir.&nbsp;

	&nbsp;

	Danişîna 8’emîn a doza Hevseroka KCD’ê û Parlamentera HDP’ê ya Colemêrgê Leyla Guven ku bi îdiaya “Rêvebera rêxistinê ye” tê darizandin li 9’emîn Dadgeha Cezayê Giran a Amedê hat dîtin. Guven beşdarî danişînê nebû û parêzera wê Reyhan Yalçindag amade bû.&nbsp;

	&nbsp;

	Danişînê bi xwendina girteyan dest pê kir. Hatibû xwestin axaftina kurdî ya Guven li beşa Kurdolojiyê ya Zanîngeha Dîcleyê ya Amedê were deşîfrekirin û dosyeya Amed û Wanê bikin yek. Lê hat dîtin ku bersiv nedane vê daxwazê.&nbsp;

	&nbsp;

	Dozger xwest ku hisûsên kêm yên dosyeyê temam bibin û daxwaz kir ku kontrola edlî ya derbarê Guven de dewam bike.&nbsp;

	&nbsp;

	Parêzer Reyhan Yalçindag xwest ku kontrola şertê edlî ya qedexeya derketina derve ya miwekîla wê bê rakirin.&nbsp;

	&nbsp;

	DANIŞÎN HAT TALOQKIRIN&nbsp;

	&nbsp;

	Heyeta dadgehê daxwaza parêzer a rakirina qedexeya derketina derve red kir. Heyetê xwest bersivê bidin muzakereya deşîfrekirina axaftina kurdî û Dadgeha Wanê û her wiha biryar da ku telefona Guven a hatibû desteserkirin paş de bidinê. Heyetê danişînê taloqî dîrokek pêş kir.&nbsp;

	&nbsp;

	&nbsp;