
Danişîna Hevseroka KCD’ê Guven wê sibê bê dîtin 

2019-11-12 11:56:26


	&nbsp;

	AMED - Danişîna doza derbarê Hevseroka KCD’ê Leyla Guven a bi daxwaza 46 sal cezayê girtîgehê hat vekirin, wê sibe li 9’emîn Dadgeha Giran a Amedê bê dîtin.&nbsp;

	&nbsp;

	Danişîna Doza Hevseroka Kongreya Civaka Demokratîk (KCD) û Parlamentera Demokratîk a Gelan (HDP) ya Colemêrgê Leyla Guven a bi hinceta beşdarî çalakî û daxuyaniyên li dijî operasyona Tirkiyeyê ya li ser Efrînê bûye hat vekirin, wê li 9’emîn Dadgeha Cezayê Giran a Amedê bê dîtin.

	&nbsp;

	BIRHAR HAT DAYÎN, NEHAT BERDAN

	&nbsp;

	Guven, ji ber daxuyaniyên derbarê operasyona li dijî Efrînê dayîn de, di 22’yê Çileya 2018’an hat binçavkirin û di 31’ê Çile de jî hatibû girtin. Parêzeran girtina Guven îtîraz kiribûn û Dadgeha Cezayê Giran a 9’emîn a Amedê di 29’ê Hezîrana 2018’an de biryara berdana wê dabû. Li gel biryara dadgehê jî Guven nehatibû berdan û Serdozgeriya Komarê ya Amedê berdana Guven îtîraz kiribû. Îtîraza Serdozgeriyê hatibû qebûl kirin û Guven di girtîgehê de mabû.&nbsp;

	&nbsp;

	HAT BERDAN&nbsp;

	&nbsp;

	Guven li Girtîgeha Tîpa E ya Amedê, li dijî tecrîda li ser Rêberê PKK’ê Abdullah Ocalan di 8’ê Mijdara 2018’an de dest bi greva birçîbûnê ya bêdem û bê dûrveger kiribû û di roja 79’emîn a çalakiya grevê de, di daneşîna xwe ya 25’ê Çile de hatibû berdan.&nbsp;

	&nbsp;

	46 SAL CEZAYÊ GIRTÎGEHÊ JÊ RE DIXWAZIN

	&nbsp;

	Di doza bê edîtin de, ji bo Guven bi sûcdariya “Rêveberiya rêxistinê kirin”, “Propagandeya rêxistinê kirin” û “Endamtiyê rêxistinê” ji 25 salan bigirin heya 46 salan cezayê girtîgehê tê xwestin.&nbsp;

	&nbsp;