
Heyva Sor: Tirkiye di êrîşan de 334 sivîl kuştin 

2019-11-09 13:40:13


	&nbsp;

	NAVENDA NÛÇEYAN - Neteweyên Yekbûyî (NY) diyar kir ku di êrîşên Tirkiyeyê de de 92 sivîl hatine qetilkirin, lê li gorî dane û qeydên Heyva Sor a Kurd ku li gorî dîrok û cîh hatine amadekirin û nav hatine nivîsandin, heta niha 334 sivîl hatine qetilkirin.

	&nbsp;

	Berdevkê Komîseriya Mafên Mirovan a Neteweyên Yekbûyî (OHCHR) Rûpert Colvîlle têkildarî êrîşên Tirkiyeyê li ser Bakûr û Rojhilatê Suriyeyê, li ofîsa OHCHR ya li Cenevreyê civînek çapemeniyê lidar xist. Rûpert Colvîlle îdîa kir ku ji roja ku êrîş destpê kirine (9’ê Cotmehê) û heta 5’ê mijdarê 92 sivîlan jiyana xwe ji dest daye. &nbsp;Rûpert Colvîle her wiha got ku 100 hezar kes neçar mane ji malên xwe derkevin. Rûpert Colvîlle, di vana dibêje, lê hejmara ku Heyva Sor a Kurd têkildarî mijarê eşkere kiriye, hejmara Rûpert Colvîlle vala derdixîne. Nexasim, hejmara Heyva Sor a Kurd li ser dane û qeydên hatine girtin, hatiye eşkerekirin.

	&nbsp;

	Di qeydên Heyva Sor a Kurd de, navên sivîlên hatin qetilkirin li gorî dîrok û cih hatine dayîn. Li gorî qeydên hatine girtin, heta niha bi giştî 334 sivîl di êrîşan de hatine qetilkirin.

	&nbsp;

	&nbsp;

	&nbsp;