
Zarok dît, lê tundî ne dît

2019-11-05 12:39:52


	ÊLIH - Walîtiya Êlihê, derbarê dîmenê zarokê binavê M.Y. ê li xacerêyên Êlihê camên wesayîtan paqij dike ku di dema civakî de deng veda de daxuyanî da, lê walîtiyê derbarê tundiya polîsan a li zarok dike de tu tişt negot.

	Li Êlihê, dîmenê zarokê biçûk ê bi navê M.Y. ê di çembera polîsan de rastî tundiyê hat, di medya civakî de deng veda. Di dîmenê hatiye kişandin de xuya dike polîsan &nbsp;berstûka zarokê biçûk ê li xacerêyên Êlihê camên wesayîtan paqij dike, girtine û ber xwe de kaş dikin. Dîsa di dîmen de xuya dike ku welatiyên derdorê mudaxileyî polîsan dikin û ji wan re dibêjin “Ev zarokek biçûke, berdin.” M.Y. ê polîsan berstûka wî girtine bi tirsek mezin hem digirî û hem jî bi qajînî dibêje “Keko keko min ber de.”

	&nbsp;

	WALÎTIYÊ DAXUYANÎ DA

	&nbsp;

	Walîtiya Êlihê ji ber bertek û deng vedana dîmenê M.Y. daxuyaniyek nivîskî weşand. Walîtiyê di daxuyaniya xwe de wiha got: “Ekîbên Miduriyeta Şaxa Zarokan a Miduriyeta Ewhiyê ya Bajarê me, di 03.11.2019’an de roja Bazarê saet 21.00’an de li dûryan, cade û kolanên bajêr ji bo zarokên dixebitin, tên xebitandin û parsekiyê dikin dest bi kontrola rojane kirin. Ekîbên me 4 zarokên ku camên wesayîtan paqij dikirin, kesên derdorê aciz dikirin û ewlehiya trafîkê dikirin xeteriyê dîtin. Ji ber ku ekîbên me nêzî zarok bûn 3 zarok reviyan û zarokekê jî erkdarên me xwestin wî biparêzin. Zarokê ku li cihê bûyer tirsiya giriya û dest bi qîrineyê kir. Welatiyên derdorê yên xwestin mudaxilê bûyerê bibin, hatin astengkirin.”

	&nbsp;

	DERBARÊ TUNDIYÊ TIŞT NEGOT

	&nbsp;

	Bal kêş bû ku walîtiyê di daxuyaniya xwe de li şûna zarokê biçûk bi parêzeke polîs parastin û derbarê tundiya li zarok hat kirin de tu daxuyanî neda.

	&nbsp;