
Avahiya HDP'ê dan ber guleyan

2017-12-04 14:46:01


	MÊRSÎN - Kesên nasnameya wan ne diyar, avahiya HDP'a Erdemliyê dan ber guleyan. &nbsp;

	Avahiya Partiya Demokratîk a Gelan (HDP) ya navçeya Erdemliyê ya Mêrsînê di saet 02.00'an de hat gulebarankirin. Hat gotin ku di avahiyê de zerara madî pêk hatiye, şibekeyên avahiyê şikestine û di dîwarê avahiyê de şopên gelek guleyan hene.

	&nbsp;

	Endamên HDP'ê li ber avahiyê daxuyanî da û êrîş şermezar kirin. Rêvberê HDP'ê Îlhamî Yurtsever da zanîn ku ji ber axaftinên desthilatdariyê, di navbera civakan de qutbûn çê dibe û ev jî bi êrîşên wiha xwe dide der. Yurtsever aşkera kir ku ji hêlekî ve jî girtin û binçavkirinên li dijî hevalên wan dewam dikin û wiha got: "Avahiyên partiya me didin ber guleyan. Berî ku em kongreya navçeyê pêk bînin, êrîşeke wiha bi fikar e. Divê faîlên êrîşê bên dîtin."

	&nbsp;

	Hevserokê navçeyê Mehmet Kadra jî nerazîbûn da nîşan û wiha axivî: "Bi vê êrîşê armanc dikin ku mirovan berdin hev. Dê ev êrîş negihêjin armanca xwe." Şêniyê taxê Yaşr Bulut jî piştrast kir ku dê êrîş bi ser nekevin.

	&nbsp;