
Wê axaftina Uca bişînin beşa Kurdolojiyê 

2019-10-31 16:58:11


	&nbsp;

	AMED – Di danişîna doza Parlamentera HDP’ê Feleknas Uca de şandeya dadgehê biryar da ku ji bo deşîfrekirina axaftinên Uca beşa Kurdolojî ya Zanîngeha Dîcleyê rapora pispor amade bike.&nbsp;

	&nbsp;

	Parlamentera HDP’ê ya Êlihê Feleknas Uca ji ber di çalakiyên di 2015 û 2016’an de 7 daxuyaniyên cuda dabû bi îdiaya “Endama rêxistinê ye” bi daxwaza heta 15 sal cezayê hefsê doz lê hat vekirin. Danişîna 8’emîn a dozê li 5’emîn Dadgeha Cezayê Giran a Amedê hat dîtin. Uca beşdarî danişînê nebû û parêzerên wê Mehmet Emîn Aktar û Reyhan Yalçindag di danişînê de amade bûn.&nbsp;

	&nbsp;

	DOZGER MUTALA XWE DUBARE KIR

	&nbsp;

	Dozger bi daxwaza cezayê hefsê yê Uca yê ji 7 salan heta 15 salan bê erêkirin mutala xwe dubare kir.&nbsp;

	&nbsp;

	XWESTIN AXAFTINA WÊ BIŞÎNIN BEŞA KURDOLOJIYÊ&nbsp;

	&nbsp;

	Parêzer Mehmet Emîn Aktar da zanîn ku axaftina kurdî ya miwekîla wî ku di CD’yê de ne û li gel deşîfrasyona wê hatiye kirin jî neşandine heyeta pispor û xwest CD û deşîfrasyonê bişînin Beşa Kurdolojiyê ya Zanîngeha Dîcleyê û raporek heyeta pispor bê amadekirin.&nbsp;

	&nbsp;

	Parêzer Reyhan Yalçindag jî da zanîn ku Uca li Elmanyayê perwerdehiya xwe temam kiriye û hindik bi tirkî dizane û axaftina miwekîla wê bişînin beşên Kurdolojiyê yên Zanîngeha Artûklû û Zanîngeha Dîcleyê. Yalçindag anî ziman ku parlamenterê HDP’ê yê berê Sirri Sureya Onder jî ji ber heman axaftinê ku jê dihat darizandin dadgehê di çarçoveya azadiya xweîfadekirinê de qebûl kiriye.&nbsp;

	&nbsp;

	BEŞA KURDOLOJIYÊ DÊ RAPOR AMADE BIKE&nbsp;

	&nbsp;

	Şandeya dadgehê ji bo axaftina Uca wergerî tirkî were kirin biryar da ku axaftina wê bişînin beşa Kurdolojiya Zanîngeha Dîcleyê û rapora heyeta pispor were amadekirin. Dadgehê danişîn taloqî dîrokek pêş kir.&nbsp;

	&nbsp;