
Baroya Amedê: Nêzîkatiya xwe ya otorîter biterikînin 

2019-10-25 16:18:53


	&nbsp;

	AMED – Rêveberê Baroya Amedê Muhlîs Ogurgul di çalakiya ji bo Tahîr Elçî de got: “Yên rêzê ji îradeya hilbijêran re nagirin divê demildest nêzîkatiya xwe ya otorîter biterîkinin.”&nbsp;

	&nbsp;

	Baroya Amedê ji bo kujerên serokê berê yê baroyê Tahîr Elçî yê li Sûrê hat kuştin werin dîtin û bên darizandin, di hefteya 199’emîn de li ber Dadgeha Amedê çalakî li dar xist. Gelek parêzer beşdarî çalakiyê bûn û pankarta “Em te ji bîr nakin” vekirin. Baroyê di çalakiya vê hefteyê de bal kişand ser tayînkirina qeyûman û girtina hevşaredaran.&nbsp;

	&nbsp;

	Rêveberê Baroya Amedê Muhlîs Ogurgul da zanîn ku tevî kujer ango gumanbarên lêpirsîna Tahîr Elçî hatine tespîtkirin jî lê heta niha îfadeyên kesî nehatine girtin û xwest Dozgeriya Amedê ji bo darizandina kujeran xebatek bi lez û bez bide destpêkirin.&nbsp;

	&nbsp;

	‘DIVÊ DEST JI NÊZÎKATIYA OTORÎTER BERDIN’&nbsp;

	&nbsp;

	Ogurgul bertek nîşanî tayînkirina qeyûmên ser şaredariyên HDP’ê û girtina hevşaredaran da û wiha got: “Girtina hevşaredaran û tayînkirina qeyûman bi awayek giran rêgezên bingehîn ên hiqûq, mafê hilbijartinê binpê kiriye. Yên alîkarî nadin serdestiya hiqûqê, yên rêzê nîşanî îradeya hilbijartinê nadin û yên ewlehiyê ji hilbijêran re temîn nakin divê demildest nêzîkatiya xwe ya otorîter biterikînin.”&nbsp;

	&nbsp;

	Piştî daxuyaniyê parêzeran 5 deqîqe çalakiya rûniştinê li dar xistin.&nbsp;

	&nbsp;

	&nbsp;