
CHP'ê serokê xwe yê ku tezkereyê rexne kir ji peywirê girt

2019-10-22 10:40:54


	&nbsp;

	MÊRDÎN - LRN'a CHP'ê ragihand ku Serokê Rêxistina xwe ya Bajar ê Mêrdînê Ahmet Dûyan ku gotibû "Erêkirina tezkereya ku bêyî ewlehiya sivîlan bê girtin, hatiye kirin, rast nabînim" ji peywirê girt.&nbsp;

	&nbsp;

	Lîjneya Rêveberiya Navendî (LRN) ya Partiya Komarê ya Gel (CHP), Serokê Rêxistina xwe ya Bajar ê Mêrdînê Pr. Ahmet Dûyan ku partiya xwe ji ber erêkirina tezkereya şer rexne kir û îstifa xwe ya ragihand, ji peywirê girt. Duyan, tezkereya ku beriya êrîşa Tirkiyeyê ya li dijî Bakur û Rojhilatê Sûriyeyê li Meclisê hatibû erêkirin, rexne kiribû û ragihandibû ku ji partiya xwe îstifa kiriye.&nbsp;

	&nbsp;

	Duyan ku 2 sal in serokatiya CHP'a Mêrdînê dike îstifaya xwe bi van gotinan ragihandibû: "Ez, erêkirina tezkereya ku bêyî ewlehiya sivîlan bê girtin, hatiye kirin, rast nabînim, ji ber ku ez ê nebim parçeyek feraseteke siyasî ku ji mirin û gelek tiştan re bê deng dimîne, bi rêzdarî ji raya giştî re radigihînim ku ji Serokatiya Bajar a CHP'ê ya Mêrdînê îstifa dikim."

	&nbsp;

	Biryara îstifakirina Duyan beriya ku bigihîje Navenda Giştî, Duyan ji aliyê Lîjneya Rêveberiya Navendî ve ji peywirê hat girtin.&nbsp;

	&nbsp;