
Derbara hevşaredarên Panosê de lêpirsîn 

2019-10-19 09:10:09


	WAN - Serdozgeriya Komarê ya Panosê, derbarê hevşaredaran de lêpirsîn da destpêkirin. Di lêpirsînê de "pêşwazîkirina endamên Meclîsa Partiyê yên ji girtîgehê derketin, di mîtînga hilbijartinê de xwestina dengan û nîşan serketinê" wekî delîlên sûcî hatin hesibandin.&nbsp;

	Serdozgeriya Komarê ya Panosê, derbarê hevşaredarên Şaredariya Panosê Muşerref Geçer û Emrah Kiliç de lêpirsînek da destpêkirin. Di lêpirsînê de pêşwazîkirina Endama Meclîsa Partiyê ya HDP'ê Zelal Yerlîkaya ya di 26'ê Adara 2019'an de ji Girtîgeha Tîpa L a Panosê derket, nîşaneya serketinê ya di dema pêşwazîkirina Yerlîkayayê de, di dema mîtînga HDP'ê ya Agiriyê de çepikên ji bo Hevşaredarê Kongreya Civak Demokratşk (KCD) û Parlementerê HDP'ê yê Agiriyê Berdan Ozturk û di mîtîngê de daxwaza hevşaredaran a ji bo dengan wekî delîlên sûcî hatin hesibandin.&nbsp;

	&nbsp;

	Parêzerê hevşaredaran Kemal Altûnay, destnîşan kir ku li vira ya tê darizandin ne hevşaredar HDP bi xwe ye. Altûnay, bilêv kir ku ev lêpirsîn dij hiqûqê ye û got, di dosyeya lêpirsînê de tiştekî ku wekî sûc bê hesibandin tune ye.&nbsp;