
‘Şer li ser zarokan rê li ber travmayek mayînde vidike’ 

2019-10-18 10:29:54


	AMED – Derûnnas Fatîh Yigît diyar kir ku şer rê li ber travmaya mayînde ya zarokan vedike û heke mudaxeleya pêwîste neyê kirin dê civak bi nifşek pirsgirêk re hevrû bimîne.&nbsp;

	&nbsp;

	Di êrîşên Tirkiyê yên li ser bajar û navçeyên Bakur û Rojavayê Sûriyê de herî zêde zarok di bin bandora şer de man. Şer û pevçûnên dijwar diqewimin di travmaya zarokan de rê li ber derûniyek xerab vedike û tê gotin ku ev yek li ser zarokan mayînde dibe.&nbsp;

	&nbsp;

	‘ZAROK DIBIN MEXDÛRÊ TRAVMAYA ŞER’&nbsp;

	&nbsp;

	Derûnnas Fatîh Yigît ê li Weqfa Alîkariya Mirovî û Koçberiyê (GIYAV) dixebite bandora şer a li ser zarokan ji ajansa me re nirxand. Yigît diyar kir ku zarokên li qadên şer ango pevçûnan mezin dibin bi travmayek kûr re hevrû dimînin û travma piştî tundî ango şerê diqewime xwe di rewşa derûnî ya kesan de baş dide nîşandan. Yigît da zanîn ku zarok di warê xerabûna kesayetî de jî bandorek neyînî dibîne û gelek acizî pê re çêdibin.&nbsp;

	&nbsp;

	‘ŞER DIBE TUNDIYA SER ZAROKAN’&nbsp;

	&nbsp;

	Yigît anî ziman ku li gel zarokên di nava şer de mezin dibin, pevçûnê ya di televîzyonan de yan jî bihîstine û dîtine di warê derûnî de bi tundiyekê re hevrû dimîne û ji ber vê yekê kesayeta zarok di serdemek baş û rast de mezin nabe. Yigît da zanîn ku zarokên niha dê siberojê têbigihîjin û heke mudaxeleya pêwîste neyê kirin dê civak bi nifşek pirsgirêk re hevrû bimîne.&nbsp;

	&nbsp;

	MA / Fethî Balaman

	&nbsp;

	&nbsp;