
Dema binçavkirina 24 siyasetmedaran carek din hat dirêjkirin 

2019-10-17 15:39:39


	&nbsp;

	MÊRDÎN – Dema 24 siyasetmedarên kurd ên li Mêrdînê hefteyeke di binçavan de ne heftiyek din jî hat dirêjkirin. Hat zanîn ku Hevşaredarên Nisêbînê sewqî edliyê kirine.&nbsp;

	&nbsp;

	Piştî êrîşên Tirkiyê li dijî bajarên Bakur û Rojhilatê Sûriyê destpêkirin di 10 û 11’ê cotmehê de li Mêrdîn û navçeyên wê 24 siyasetmedar û welatî hatibûn binçavkirin. Siyasetmedar û welatiyên bi hêncetên parvekirinên medya civakî hatine binçavkirin, hefteyeke li Miduriyeta Polîsan a Mêrdînê tên ragirtin. Siyasetmedar û welatî bi îdiayên “Gel arasteyî kîn û dijminiyê kirine” û “Propaganda rêxistinê kirine” tên sûcdarkirin.&nbsp;

	&nbsp;

	Hat zanîn ku hêj îfadeyên li emniyetê yên welatî û siyasetmedaran nehatine girtin û dema binçavkirina wan hatiye dirêjkirin.

	&nbsp;

	Li aliyê din Hevşaredarên Nisêbînê Semîre Nêrgîz û Ferhat Kut û endamê Meclîsa Şaredariyê Mehmet Emîn Alkan ê du roj berê hatibûn binçavkirin, piştî îfadeyên wan li emniyetê hatin girtin sewqî Dadgeha Mêrdînê hatin kirin.&nbsp;

	&nbsp;