
 Dr. Îpekyuz: Şer ji bo tenduristiya gel pirsgirêk e 

2019-10-14 12:14:08


	ENQERE – Parlamenterê HDP’ê Dr. Necdet Îpekyuz da zanîn ku şer bandorek neyînî li ser tenduristiya gel dike û got: “Şer pirsgirêka tenduristiya gelekî ye.”&nbsp;

	&nbsp;

	Parlamenterê HDP’ê yê Êlihê Dr. Necdet Îpekyuz êrîşên Tirkiyê yên li dijî bajarên Bakur û Rojhilatê Sûriyê nirxand. Îpekyuz da zanîn ku şer û pevçûn bandorek neyînî li ser jiyana însnan dike û got: “Şer pirsgirêka tenduristiya gelekî ye.”

	&nbsp;

	‘XIZMET NAYÊ DAYÎN’&nbsp;

	&nbsp;

	Îpekyuz diyar kir ku şer û pevçûnên li ser bajar û sînorê Rojava tê birêvebirin jiyana xelkê herêmê bi her awayî ser û bin dike û jiyana asayî ya însanan a rojane hatiye guhertin. Îpekyuz anî ziman ku ji ber şer û pevçûnên dijwar dê însan bêmal û bêwar bimînin û ev jî dibe sedemê nebaşiya tenduristiya xelkê. Îpekyuz destnîşan kir ku êrîşên li ser xebatkarên tenduristiyê tê kirin nayê qebûlkirin û ji ber êrîşan û pevçûnê hem li bajarê serxetê û hem j ili binxetê însan ji xizmeta tenduristiyê bêpar maye û mafê her kesî heye ku ji bo xizmeta tenduristiyê were dayîn.&nbsp;

	&nbsp;

	Îpekyuz got ew bang li hemû raya giştî ya cîhanê dikin ku ji bo xizmeta tenduristiyê ya Rojava bikevin nava tevgerê û hestiyar nêz bibin.&nbsp;

	&nbsp;

	&nbsp;