
Gelê Nisêbînê bertek nîşanî polîsan dan: Êdî bes e

2019-10-11 20:13:07


	MÊRDÎN - Xizmên kesên di encama topa hewanê ya li Nisêbînê ket de birîndar bûn, bertek nîşanî rayedarên polîsan ên hatin ber nexweşxanê dan û gotin: “Êdî bes e.”

	Piştî operasyona leşkerî ya li dijî Bakur û Rojhilatê Sûriyeyê, pevçûnên li ser sînorê Qamîşlo-Nisêbînê dest pê kirin, bi hemû dijwariya xwe dewam dikin. Di dema pevçûnê de, topên hewanê li kolana Eskî Hamam a Taxa Yenîturan a bajêr ketin û gelek kes birîndar bûn. Niha jî hejmara birîndaran nehatiye aşkere kirin. Ekîbên tenduristiyê birîndar rakirin Nexweşxaneya Dewletê ya Navçeyê û nexweşxaneyên derdora bajêr.&nbsp;

	&nbsp;

	Hat zanîn ku ji birîndaran herî kêm 2 kesan jiyana xwe ji dest dane û gumana hêjmara miriyan zêde bibe heye.&nbsp;

	&nbsp;

	BERTEK NÎŞANÎ MIDURÊ POLÎSAN DAN&nbsp;

	&nbsp;

	Di vê navberê de, xizmên birîndaran herikîn ber nexweşxanê. Qelebalixiya ku nekarîn agahî ji nexweşxanê bigirin, polîtîkayên şer ên desthilatdariyê şermezar kirin. Malbatan bertek nîşanî polîsan dan û bi hatina Midurê Polîsan a li ber nexweşxanê re hêrsa malbatan zêdetir bû. Qelebalixiyê, huy li Midûrê polîsan kirin û gotin: “Qatilno. Êdî bes e.”&nbsp;

	&nbsp;

	Welatî li ber nexweşxanê radiwestin û maşineyên zirxî yên leşkerî sewqî herêmê hatin kirin.

	&nbsp;